*ભરૂચ જિલ્લાના અલગ – અલગ સ્થળોએ યોજાયેલા તાલીમ વર્ગમાં પાવર પોઇન્ટ પ્રેઝન્ટેશન થકી થીયરીની સાથોસાથ પ્રત્યક્ષ-પ્રેક્ટીકલ નિદર્શન દ્વારા અપાયેલું વિસ્તૃત માર્ગદર્શન*
———-
ભરૂચ : શનિવાર ૧૧ નવેમ્બર ૨૦૨૨ :– ભરૂચ જિલ્લામાં આગામી તા.૦૧ લી ડિસેમ્બર,૨૦૨૨ ના રોજ યોજાનારી વિધાનસભા સામાન્ય ચૂંટણીઓ-૨૦૨૨ સંદર્ભે થનારી મતદાનની કામગીરી સુનિશ્વિત રીતે સુપેરે પાર પડે તે માટે જિલ્લા ચૂંટણી અધિકારીશ્રી અને જિલ્લા કલેક્ટર તુષાર સુમેરાના માર્ગદર્શન હેઠળ ચૂંટણીલક્ષી વિવિધ કામગીરી સાથે સંકળાયેલા અધિકારીઓ-કર્મચારીઓને તેમની ફરજના ભાગરૂપે કરાયેલા તબક્કાવાર તાલીમી આયોજનના ભાગરૂપે ૧૫૩- ભરૂચ વિધાનસભા મતવિસ્તારના ચૂંટણી અધિકારીશ્રી અને પ્રાંત અધિકારીશ્રી યુ. એન. જાડેજા રાહબરી હેઠળ એસ. વી એમ. આઈ. ટી કૉલેજ ભરૂચ, ખાતે યોજાયેલા દ્વિ-દિવસીય તાલીમનો શનિવારથી પ્રારંભ કરાયો હતો.
અંકલેશ્વર ખાતે પ્રાંત અધિકારી શ્રી એન. એચ.પટેલ, મામલતદાર શ્રી , વાલિયા શ્રોફ ફાઉન્ડ઼ેશન સંચાલિત પોલિટેકિક કોલેજ ખાતે ડી. એસ.બારીયા, મામલતદાર શ્રી અને ભરૂચ ગર્વમેન્ટ પોલીટેકનિક કૉલેજ ખાતે પ્રાંત અધિકારી શ્રી અને મામલતદાર શ્રી ની આગેવાનીમાં જિલ્લામાં અલગ – અલગ સ્થળો પર જુદા જુદા વર્ગખંડમાં માસ્ટર ટ્રેનર્સ દ્વારા પ્રિ-પોલ, પોલ-ડે અને આફ્ટર પોલ, EVM, VVPAT, રિસીવીંગ-ડિસ્પેચીંગ સહિતની તબક્કાવાર તમામ પ્રકારની કામગીરી પાવર પોઇન્ટ પ્રેઝન્ટેશન દ્વારા જરૂરી જાણકારી અને સમજની સાથો સાથ ચૂંટણીલક્ષી કામગીરી સબબ પ્રત્યક્ષ પ્રેક્ટીકલ નિદર્શન દ્વારા વિસ્તૃત માર્ગદર્શન પણ પુરૂ પડાયું હતું.

પ્રિસાઇડિંગ ઓફિસર, આસિસ્ટન્ટ પ્રિસાઇડીંગ ઓફિસર, પોલીંગ ઓફિસર તેમજ ઝોનલ ઓફિસર સહિતના અધિકારીઓ-કર્મચારીઓ માટે યોજાયેલા આ તાલીમ વર્ગમાં સુપરવાઇઝરી કામગીરી બાબતે ચોકસાઇ અને સચોટતાની સાથે મતદાનની કામગીરી સરળ બની રહે તે માટે ઝોનલ ઓફિસરને જરૂરી કાળજી રાખવાની બાબતો ઉપરાંત મતદાન મથકના ફરજ પરના અધિકારીઓ-કર્મચારીઓ માટે જુદા જુદા વૈદ્યાનિક ફોર્મની વિગતો ભરવા ઉપરાંત રજીસ્ટરમાં તેની નોંધણી, મોકપોલ, મતદાન પ્રક્રિયા પૂર્ણ થયા બાદ EVM મશીન VVPAT સીલ કરીને તેના ડિસ્પેચીંગ સુધીની તમામ બાબતો અંગે જરૂરી માર્ગદર્શન પુરૂ પડાયું હતું.
પ્રાંત અધિકારીશ્રી યુ. એન. જાડેજા રાહબરી હેઠળ એસ. વી એમ. આઈ. ટી કૉલેજ ભરૂચ ખાતેના સંવાદમાં ભરૂચ વિધાનસભા મતવિસ્તારના ચૂંટણી અધિકારીશ્રી અને માધ્યમો સાથેના સંવાદમાં જણાવ્યું હતું કે, વિધાનસભા સામાન્ય ચૂંટણીઓ-૨૦૨૨ અંતર્ગત ભરૂચ વિધાનસભાની ચૂંટણી કામગીરીમાં જોડાયેલા કર્મચારીઓની તાલીમ આજથી બે દિવસ માટે એસ. વી એમ. આઈ. ટી કૉલેજ ભરૂચ તેમજ બીજા સ્થળો ઉપર રાખવામાં આવી છે. જેમાં આજે પ્રથમ સત્રમાં પ્રિસાઈડિંગ ઓફિસરની તાલીમ છે, બપોર બાદ પોલિંગ ઓફિસરને તાલીમ અપાશે. વિધાનસભા મત વિસ્તારમાં જે કોઈ સરકારી કર્મચારીઓ છે અને ચૂંટણી પ્રક્રિયામાં સામેલ થવાના છે તે તમામને તાલીમ અપાઈ રહી છે. આ બેઝિક તાલીમ છે, જેમાં તેમણે મતદાન મથકે શું કરવાનું છે ? કયા પ્રકારના ફોર્મ ભરવાના છે ? અને EVMને કેવી રીતે સીલીંગ કરવાનું છે. બુથમાં આખો દિવસ EVM સાથે કઈ રીતે કામગીરી કરવાની છે તેની સમજ આપવામાં આવી રહી છે. જેથી ચૂંટણી કામગીરીમાં જોડાયેલા કર્મચારીઓનો આત્મવિશ્વાસ વધે અને જિલ્લાની બંને બેઠકોની વિધાનસભાની સામાન્ય ચૂંટણી સરળતાથી અને સારી રીતે પાર પાડી શકાય. તેના માટેની તમામ પ્રકારની તાલીમ માસ્ટર ટ્રેનરો દ્વારા અપાઈ રહી છે તેમ તેઓશ્રીએ વધુમાં ઉમેર્યું હતું