જૂનાગઢ પોલીસ દ્વારા_વિશ્વાસ પ્રોજેક્ટ અંતર્ગત ઇન્સ્ટોલ કરેલ સીસીટીવી કેમેરા દ્રારા બજારમાંથી ખરીદેલ નવા કપડા સહિતનો અંદાજીત રૂ. ૪,૪૦૦/- ની કીંમતનો થેલો ક્યાય પડી ગયેલ જે થેલો નેત્રમ શાખા જૂનાગઢ દ્રારા શોધી અરજદારને પરત કરેલ._*

💫 _જૂનાગઢ શહેરના રહેવાસી રૂદ્ર મહેન્દ્રભાઇ કાનપરા પોતાના ઘરે પ્રસંગ હોય અને નવા કપડા માંગનાથ રોડ ઉપરથી ખરીદી પોતાના ઘરે જતા હતા તે દરમ્યાન નવા ખરીદ કરેલ બે કપડાની જોડી સહીતનો થેલો રસ્તામાં ક્યાંય પડી ગયેલ, બીલખા રોડ તરફ જતા હતા તે દરમ્યાન તેઓને ખ્યાલ પડેલ કે તેમણે પોતાની મો.સા.ના હુકમાં લગાવેલ થેલો રસ્તામાં ક્યાય પડી ગયેલ છે, તેઓ ફરીથી શોધવા માટે નીકળેલ પરંતુ રસ્તામાં ક્યાંય જોવા મળેલ નહી. તેઓ ક્લાર્ક તરીકે ફરજ બજાવતા હોય પોતાની પરસેવાની કમાણીથી આ ખરીદી કરેલ હોય તે વ્યથિત થઈ ગયેલ હતા. રૂદ્ર દ્વારા આ બાબતની જાણ નેત્રમ શાખા (કમાન્ડ & કંટ્રોલ સેન્ટર)ના પી.એસ.આઇ. પી.એચ.મશરૂને જાણ કરતા નેત્રમ શાખા દ્રારા કાર્યવાહી હાથ ધરવામાં આવેલ._

💫 _જૂનાગઢ રેન્જના *આઈજી શ્રી મયંકસિંહ ચાવડા* તથા જૂનાગઢ *જીલ્લા પોલીસ વડા શ્રી રવિ તેજા વાશમ સેટ્ટી* દ્વારા જૂનાગઢ જીલ્લાના તમામ થાણા અમલદારોને પ્રજા સાથે સોહાર્દપૂર્ણ વર્તન કરી, મદદરૂપ થવા તેમજ પોલીસ સ્ટેશન ખાતે મદદ માટે આવતા લોકોને શક્ય તે મદદ કરી, પોલીસ પ્રજાનો મિત્ર છે, એ સૂત્રને સાર્થક કરવા તમામ પ્રયત્નો કરવા ખાસ સૂચના કરવામાં આવેલ છે._

💫 _જૂનાગઢ હેડ ક્વાર્ટર ડીવાયએસપી એ.એસ પટણીના માર્ગદર્શન હેઠળ નેત્રમ શાખા (કમાન્ડ & કંટ્રોલ સેન્ટર) ના પી.એસ.આઇ પી.એચ.મશરૂ પો.કોન્સ. હીનાબેન વેગડા, જાનવીબેન પટોડીયા, રઘુવીર વાળા, જીતુસીંહ જુંજીયા, એન્જીનીયર નીતલબેન મહેતા સહિતની ટીમ દ્વારા જહેમત ઉઠાવી રૂદ્ર કાનપરા જે સ્થળથી પસાર થયેલ તે સમગ્ર રૂટના *વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV* ફૂટેજ ચેક કરતા બીલખા રોડ રામનીવાસ સર્કલ પાસે તેમના મો.સા.ના હુકમાં લગાવેલ થેલો રસ્તામાં પડતો સ્પષ્ટ નજરે પડે છે, થોડી મીનીટ બાદ ત્યાથી પસાર થતા યુટીલીટી વાહન ચાલક દ્રારા આ થેલો લઇ લેવાનુ CCTV માં દેખાયેલ._

💫 _તે યુટીલીટી નંબરની માહિતી આધારે *યુટીલીટી ચાલક સતાર ઇસ્માઇલ સમા નવાગામ વાળાનુ* નામ સરનામું શોધી કાઢવામાં આવેલ હતુ અને નેત્રમ શાખા (કમાન્ડ & કંટ્રોલ સેન્ટર) ના પોલીસ સ્ટાફ દ્રારા પૂછ પરછ કરતા તેમણે આવો કોઇ સામાન લીધેલ નથી તેવુ જણાવેલ. *પોલીસ દ્રારા કડક શબ્દોમાં પૂછપરછ કરતા તેમણે પોતે આ થેલો લીધેલ હોવાનુ સ્વીકારેલ.* આજના યુગમાં લોકો પોતાને કોઇની વસ્તુ/સામાન મળે તો પરત કરતા હોય છે પરંતુ સતાર ઇસ્માઇલ સમા દ્રારા આ પ્રકારની વર્તુણક કરતા પોલીસ દ્વારા ઠપકો આપવામાં આવેલ હતો અને *રૂદ્ર કાનપરાને પોતાના નવા ખરીદ કરેલ બે જોડી કપડાનો થેલો સહિ સલામત પરત અપાવવા માટે કરેલ તાત્કાલિક સવેંદનપૂણૅ કાર્યવાહીથી પ્રભાવિત થઈને રૂદ્ર કાનપરા દ્રારા જૂનાગઢ પોલીસનો આભાર વ્યક્ત કર્યો હતો….*_

💫 _જૂનાગઢ *જીલ્લા પોલીસ વડા શ્રી રવિ તેજા વાશમ સેટ્ટી* દ્વારા પણ પ્રજા સાથે સંવેદના પૂર્ણ કાર્યવાહી કરવા બદલ જીલ્લા નેત્રમ શાખા (કમાન્ડ & કંટ્રોલ સેન્ટર) પોલીસ ટીમને અભિનંદન આપેલ હતા. આમ, નેત્રમ શાખા દ્વારા રૂદ્ર કાનપરાનો કુલ રૂ. ૪,૪૦૦/-ની કીંમતના સામાનનો થેલો પરત અપાવી, સુરક્ષા સાથે સેવાનું ઉત્તરદાયિત્વ નિભાવી, પોલીસ પ્રજાનો મિત્ર છે, એ સૂત્રને ફરીવાર સાર્થક કરવામાં આવેલ છે…_

મહેશ કથીરીયા
બ્યુરો ચીફ જૂનાગઢ
દૂરદર્શી ન્યુઝ