ઝઘડિયા તાલુકા ભાજપા અગ્રણીના જન્મદિન નિમિત્તે માનવતા મહેકાવી..દિવ્યાંગ વ્યક્તિઓ ને ટ્રાઇ સાઇકલ ની ભેટ આપી જન્મદિવસ ની ઉજવણી કરી…

વિધવા બહેનોને સાડીઓનું વિતરણ કરવામાં આવ્યું તેમજ દિવ્યાંગ વ્યક્તિઓ ને ટ્રાઇ સાઇકલ ની ભેટ આપી..

ભરૂચ જિલ્લાના ઝઘડિયા તાલુકાના ભાજપા અગ્રણી અને સામાજિક આગેવાન તલોદરાના રવજીભાઇ વસાવાનો આજે જન્મદિવસ હોઇ આ પ્રસંગે વિધવા બહેનોને સાડીઓની ભેટ આપવામાં આવી હતી. ભાજપા અગ્રણી રવજીભાઇ વસાવાના જન્મદિવસની ઉજવણી નિમિત્તે વાલિયા તાલુકાના દેસાડ ગામના દિવ્યાંગ યુવક સુનિલ વસાવા તેમજ ઝઘડિયા તાલુકાના તેજપોરના સંદિપ વસાવાને સાયકલની ભેટ આપવામાં આવી.

ઉપરાંત ભરુચિઆંબા ગામની વિધવા બહેનોને સાડીની ભેટ આપી સમાજ સેવાનું ઉત્તમ ઉદાહરણ પુરુ પાડ્યું હતું. આ પ્રસંગે રવજીભાઇ વસાવા સાથે ઝઘડિયા તાલુકા અગ્રણી અને તાલુકા પંચાયત સદસ્ય અરુણભાઇ વસાવા, વાલિયા તાલુકા પંચાયત પ્રમુખ સેવંતુભાઇ વસાવા,વાલિયા તાલુકા ભાજપા યુવા મોરચાના પ્રમુખ પ્રદિપ ભરથાણીયા,ઝઘડિયા યુવા ભાજપા પ્રમુખ ધ્રુપલ પટેલ, યુવા ભાજપા અગ્રણી દિનેશ વસાવા સહિત અગ્રણીઓ ઉપસ્થિત રહ્યા હતા.