ઝઘડિયાના નવાગામની સીમમાંથી ભારતીય બનાવટનો વિદેશી દારુનો જથ્થો ઝડપાયો..

રિપોર્ટર / સતીશ વસાવા ઝગડીયા

ભરૂચ જીલ્લાના ઝઘડિયા તાલુકાના નવાગામ નજીકથી પોલીસે ભારતીય બનાવટના વિદેશી દારુનો જથ્થો ઝડપી લીધો હતો. ઝઘડિયા પોલીસમાંથી મળતી વિગતો મુજબ પોલીસને ધારોલી આઉટ પોસ્ટ વિસ્તારમાં પેટ્રોલિંગ દરમિયાન બાતમી મળી હતીકે નવાગામ નજીક આવેલ નહેર નજીક વાંકી લીમડી પાસે વાલિયા તાલુકાના દરમહુડા ગામના હસમુખ ઉર્ફે બાબર મણીયાભાઇ વસાવાએ ભારતીય બનાવટના વિદેશી દારુનો જથ્થો વેચાણ કરવાના ઇરાદે સંતાડી રાખેલ છે. પોલીસે બાતમી મુજબના સ્થળે છાપો મારી વિદેશી દારુની નાનીમોટી બોટલો તેમજ ટીન નંગ ૪૦૪ જેની કિંમત રુ.૪૫૨૦૦ થાય છે તે ઝડપી લીધો હતો. અને હસમુખ ઉર્ફે બાબર વસાવાને વોન્ટેડ જાહેર કરી તેના વિરુધ્ધ ઝઘડિયા પોલીસમાં ગુનો નોંધી કાયદેસર કાર્યવાહી હાથ ધરી હતી.

#દૂરદર્શી ન્યૂઝ