ઝગડીયાના પાણેથા નજીક હિટ એન્ડ રન માં ચાર વ્યક્તિઓને અડફેટે લેનાર કાર ચાલક વિરૂધ્ધ ગુનો નોંધાયો…

પ્રતિનિધિ / સતીશ વસાવા ઝગડીયા

ડી એન એસ ન્યૂઝ ભરૂચ 04-04-22

કારચાલક અકસ્માત સર્જી અશા ગામ નજીક પોતાની ફોરવ્હીલ ગાડી મૂકીને રફુચક્કર થઈ ગયો હતો.

ભરૂચ જિલ્લા ના ઉમલ્લા પોલીસ મથકેથી મળતી માહિતી મુજબ ઝઘડિયા તાલુકાના પાણેથા ગામ નજીક ગતરોજ રાત્રી દરમ્યાન ચાલવા નીકળેલા એક જ પરિવારના ચાર સભ્યોને પૂરઝડપે આવતી સિયાઝ કારે અડફેટે લઈ ઈજાગ્રસ્ત કર્યાં હતાં, પાણેથા ગામના એકજ પરીવારનાં ગોવિંદ ભીખાભાઈ વણઝારા , મિતેષ વણઝારા, સરદાર દલાજી વણઝારા અને જતીન કરસન વણઝારા ચાલવા નીકળ્યા હતા તે દરમિયાન અકસ્માત સર્જાયો હતો, કારચાલક અકસ્માત સર્જી ત્યાંથી નાસી છૂટયો હતો જે બાદ થોડે દૂર અશા ગામ નજીક પોતાની ગાડી મૂકીને ભાગી ગયો હતો, અકસ્માતમાં ઈજા પામનાર વ્યક્તિઓને સ્થાનિકો દ્વારા દોડી આવી ૧૦૮ એમ્બ્યુલન્સ બોલાવી તાત્કાલિક ઉમલ્લા સામુહિક આરોગ્ય કેન્દ્ર ખાતે ખસેડવામાં આવ્યાં હતાં જે બાદ ઉમલ્લા સરકારી દવાખાને હાજર તબીબે પ્રાથમિક સારવાર આપ્યા બાદ ગમ્ભીર ઇજા હોવાના કારણે ચારેવ ઈજાગ્રસ્તોને વધુ સારવાર માટે રાજપીપળા સીવીલ હોસ્પીટલ ખાતે રીફર કર્યા હતા,ફરીયાદી ગોવિંદ ભીખાભાઈ વણઝારાએ અકસ્માત કરનાર સિઆઝ ગાડી નંબર ના GJ 22 H 1348 ના ચાલક વિરૂધ્ધ ઉમલ્લા પોલિસ મથકે ફરીયાદ લખાવી હતી, ઉમલ્લા પોલીસે કારનો કબજો મેળવી અકસ્માત સર્જી રસ્તામાં ગાડી મુકીને ફરાર થઇ જનાર ચાલક ને શોધી કાઢવા તપાસ હાથ ધરી છે

#DNSNEWS