ડી. એન પીલુદરીઆ વિદ્યામંદિર ધારોલી હાઈસ્કૂલ ની વિધાર્થીની સાથે હાઈસ્કૂલના આચાર્ય દ્વારા અડપલાં કરતાં છેડતી કરવા બાબતે પોલીસ ફરિયાદ…

વિધાર્થીને હાથ મિલાવી હાથ ખેંચીને બાથમાં લઈ વિધાર્થીની સાથે અડપલાં કર્યા ભરૂચ જિલ્લાના ઝઘડિયા તાલુકાના ધારોલી ગામની હાઈસ્કૂલના આચાર્યએ ધોરણ ૧૦ નું રિઝલ્ટ લેવા આવેલી વિદ્યાર્થીની સાથે અડપલા કરતા આચાર્ય વિરુદ્ધ પોલીસ સ્ટેશન માં ફરિયાદ નોંધાવી.ધોરણ ૧૦ ના રીઝલ્ટ‌ ના અભિનંદન આપવાના બહાને આચાર્યએ તેની સાથે હાથ મિલાવી તેને બાથ ભરી અડપલા કરતા સગીરાએ તેની માતાને ફરિયાદ કરી હતી..ઝઘડિયા તાલુકાના એક ગામમાં રહેતી સગીરા ધારોલી ગામના ડી.એન.પીલુદરીયા વિદ્યામંદિર હાઈસ્કૂલ ખાતે ધોરણ ૧૦ માં અભ્યાસ કરતી હતી ગત તા. ૨૬.૫.૨૩ ના રોજ સગીરા તેના ભાઈ સાથે ધારોલી ખાતે આવેલ હાઈસ્કૂલમાં તેનુ રીઝલ્ટ લેવા આવી હતી. રીઝલ્ટ લઈને ઘરે ગયા બાદ સગીરા રડતી હોય તેની માતાએ તેને કારણ પૂછ્યું હતું જેથી સગીરા તેની માતાને જણાવ્યું હતું કે હું ધારોલી હાઈસ્કૂલમાં ધોરણ ૧૦ નું રિઝલ્ટ લેવા ગયેલ તે વખતે હું રીઝલ્ટ લઈ સ્ટાફ રૂમમાંથી બહાર નીકળતી હતી તે વખતે હાઈસ્કૂલના આચાર્ય ધર્મેન્દ્રસિંહ રાજે મને બોલાવી જણાવેલ કે તું પાંચ મિનિટ બહાર ઉભી રહેજે, ત્યારબાદ થોડીવારમાં હાઈસ્કૂલના બધા છોકરાઓ પોત પોતાનું રિઝલ્ટ લઈ જતા રહેલ અને હું સ્ટાફ રૂમની બહાર બારી પાસે ઉભી હતી, તે વખતે સગીરાનો ભાઈ આવેલો અને સગીરાને ઘરે જવાનું જણાવતા સગીરાએ તેના ભાઈને જણાવેલ કે આચાર્ય સાહેબે મને પાંચ મિનિટ ઊભા રહેવા કહેલું છે, જેથી સગીરાનો ભાઈ હાઇસ્કુલ કમ્પાઉન્ડ ત્યાં જઈને ઉભો રહ્યો હતો. સગીરા સ્ટાફ રૂમની બારી પાસે ઊભી હતી તે વખતે આશરે સવારના ૧૦ વાગ્યાના અરસામાં ધર્મેન્દ્રસિંહ રાજે હાથથી ઇશારો કરી સગીરાને સ્ટાફ રૂમમાં બોલાવેલ જેથી સગીરા સ્ટાફ રૂમમાં ગયેલ, આ વખતે ધર્મેન્દ્રસિંહ રાજે સગીરા સાથે હાથ મિલાવી અભિનંદન આપી તેનો હાથ ખેંચી સગીરાને બાથ ભરી અડપલા કરવા લાગ્યા હતાઅને તેના જમણા ગાલ પર કિસ કરવા જતા સગીરાએ તેનું મોઢું ફેરવી લીધું હતું, જેથી સગીરા ગભરાઈ ગયેલ હતી અને ધર્મેન્દ્રસિંહ રાજને ધક્કો મારી છોડાવી ત્યાંથી સ્ટાફ રૂમની બહાર નીકળતી હતી, તે વખતે ધર્મેન્દ્રસિંહ રાજે સગીરાને જણાવેલ કે છેલ્લે એક કિસ તો આપતી જા‌, જેથી સગીરા ત્યાંથી દોડીને તેના ભાઈ પાસે જતી રહી હતી. સગીરા ગભરાયેલી હોવાથી આ બાબતે તેના ભાઈને કોઈ હકીકત જણાવેલ નહીં અને ઘરે જઈ સગીરાએ તેની માતાને બધી હકીકત જાણવતા સગીરા ની માતા એ ઝઘડિયા GIDC પોલીસ મથકમાં ડી.એન. પીલુદરીયા વિદ્યામંદિર હાઈસ્કૂલના આચાર્ય ધર્મેન્દ્રસિંહ રાજ વિરુદ્ધ પોકસો તથા અનુસૂચિત જાતિ અને અનુસૂચિત જનજાતિ પ્રતિબંધ અધિનિયમ મુજબ ફરિયાદ નોંધાવી હતી જેથી ઝગડીયા GIDC પોલીસ દ્વારા ગુનો નોધી કાયદેસરની વધુ કાર્યવાહી હાથ ધરી છે.