નેત્રંગની 14 વર્ષની એશા ગાંધીએ બેડમિન્ટનમાં 2 ગોલ્ડ મેડલ જીત્યા.

તા.૧૬-૧૦-૨૦૨૧ નેત્રંગ

પ્રાપ્ત માહિત મુજબ તાજેતરમાં યોજાયેલ યોનેકસ સનરાઈઝ ગુજરાત સ્ટેટ બેડમિન્ટન ચેમ્પિયનશિપ 2021 અંડર 17-19 માં ભરૂચ જિલ્લાના નેત્રંગ તાલુકાની એશા ગાંધીએ અંડર-૧૭ સિંગલ્સમાં એસાની તિવારી આણંદને 21-14 ,21-17 થી હરાવીને વિજેતા બની હતી. તેમજ મિક્સ ડબલ્સમાં માનવાદિત્ય રાઠોર સુરત અને બ્રિન્દા શિંદે વડોદરાની જોડીને 21-17 , 21- 11 થી હરાવીને વિજેતા બની હતી. આમ તેણે એક સાથે બે ગોલ્ડ મેડલ હાંસલ કરીને નેત્રંગ તાલુકા અને પોતાના ગાંધી પરિવારનું ગૌરવ વધાર્યું હતું.
આ ઉપરાંત પણ એશા ગાંધી સુરતમાં યોજાયેલ ગુજરાત સ્ટેટ બેડમિન્ટન ચેમ્પિયનશિપ 2021 અંડર 13- 15 માં અંડર 15 સિંગલ્સ અને મિકસ ડબલ્સમાં ચેમ્પિયન બની ચૂકી છે. આ સિદ્ધિ તેના કોચ નિલ પરમારની તાલીમ અને માર્ગદર્શન હેઠળ મેળવી છે. જે બદલ એસા ગાંધી અને તેમનો પરિવાર આભાર વ્યક્ત કરે છે.

રિપોર્ટર :- વિજય વસાવા,નેત્રંગ