જૂનાગઢના માણાવદર માં રૂ. 3૦,૦૦૦/- ની કિંમતની સોનાની બુટ્ટી તથા નાના બાળકના નજરીયા સહિતના સામાનનું બેગ ખોવાતા સીસીટીવી કેમેરાથી નેત્રમ શાખા પોલીસ દ્રારા તાત્કાલીક શોધીને અરજદાર પરમાર સુરેશભાઇ ને પરત કર્યું

જૂનાગઢ રેન્જના આઈજી શ્રી નિલેશ જાજડીયા સાહેબ* તથા જૂનાગઢ જીલ્લા પોલીસ વડા શ્રી હર્ષદ મહેતા સાહેબ* દ્વારા જૂનાગઢ જીલ્લાના તમામ થાણા અમલદારોને પ્રજા સાથે સોહાર્દપૂર્ણ વર્તન કરી મદદરૂપ થવા તેમજ પોલીસ સ્ટેશન ખાતે મદદ માટે આવતા લોકોને શક્ય તે મદદ કરી, પોલીસ પ્રજાનો મિત્ર છે,* એ સૂત્રને સાર્થક કરવા તમામ પ્રયત્નો કરવા ખાસ સૂચના કરવામાં આવેલ છે._અરજદાર પરમાર સુરેશભાઇ રવજીભાઇ માણાવદરના વતની હોય, અને પોતાના પરીવાર સાથે ઉપરકોટ ફરવા આવેલ હોય સુરેશભાઇ તથા તેમનો પરીવાર ઉપરકોટથી બસ સ્ટેશન જવા માટે ઓટો રિક્ષામાં બેસેલ બસ સ્ટેશન ખાતે ઓટો રિક્ષામાંથી ઉતર્યા બાદ તેમને માલુમ થયેલ કે તેમનું રૂ. ૩૦,૦૦૦/- ની કિંમતના સોનાની બુટ્ટી સહિતના સામાનનું બેગ ઓટો રિક્ષામાં જ ભુલાઇ ગયેલ હોય, જે બેગમાં સોનાની બુટ્ટી, નાના બાળકના નજરીયા, ડોક્યુમેન્ટ્સ તથા અન્ય જરૂરી સામાન હોય.* સુરેશભાઇએ તે ઓટો રિક્ષા શોધવાનો પ્રયત્ન કરેલ પરંતુ તેમને તે ઓટો રિક્ષા મળેલ નહિ, હવે આગળ શું કરવું?? ઓટો રિક્ષા કેવી રીતે શોધવી? બેગ કેવી રીતે શોધવી? તે બેગમાં સોનાની બુટ્ટી જેવી કિંમતી વસ્તુ હોય. સુરેશભાઇ પોતાના પરીવાર સાથે ફરવા આવેલ હોય અને સોનાની બુટ્ટી જેવી કિંમતી વસ્તુ ખોવાતા સુરેશભાઇ તથા તેમનો પરીવાર ખૂબ ચિંતીત થઇ ગયેલ હોય. સુરેશભાઇ તથા તેમનો પરીવાર એક મધ્યમવર્ગમાંથી આવતા હોય અને પોતાની પરસેવાની કમાણીથી સોનાની બુટ્ટી તથા નજરીયા ખરીદેલ હોય જે બેગ મળવુ ખૂબ મુશ્કેલ હોય જે બાબતથી સુરેશભાઇ તથા તેમનો પરીવાર ખૂબ વ્યથીત થઇ ગયેલ હતા આ બાબતની જાણ નેત્રમ શાખા (કમાન્ડ & કંટ્રોલ સેન્ટર)ના પી.એસ.આઇ. પી.એચ.મશરૂને કરતા નેત્રમ શાખા પોલીસ સ્ટાફ દ્રારા કાર્યવાહી હાથ ધરવામાં આવેલ._

જૂનાગઢ હેડ ક્વા. ડી.વાય.એસ.પી. એ.એસ.પટણી સાહેબના માર્ગદર્શન હેઠળ નેત્રમ શાખા (કમાન્ડ & કંટ્રોલ સેન્ટર) ના પી.એસ.આઇ પી.એચ.મશરૂ, પો..કોન્સ હાર્દીકભાઇ સિસોદીયા, ગીરીશભાઇ કલસરીયા, રૂપલબેન છૈયા, એન્જીનીયર નિતલબેન મહેતા સહીતની ટીમ દ્વારા જહેમત ઉઠાવી *સુરેશભાઇ તથા તેમનો પરીવાર બસ સ્ટેશન પાસે જે ઓટો રિક્ષામાંથી ઉતરેલ તે ઓટો રિક્ષાનો સમગ્ર રૂટ વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV ફૂટેજની મદદથી ચેક કરી સુરેશભાઇનું રૂ. ૩૦,૦૦૦/- ની કિંમતનું સોનાની બુટ્ટી તથા નજરીયા સહિતના સામાનનું બેગ જે ઓટો રિક્ષામાં ભુલી ગયેલ હોય તે ઓટો રિક્ષાનો રજી નં.
GJ-20-V-6163 શોધેલ.*_

જૂનાગઢ નેત્રમ શાખાના પોલીસ સ્ટાફ દ્વારા તે ઓટો રિક્ષા ચાલકનો સંપર્ક કરી પૂછપરછ કરતા તે બેગ તેમની પાસે હોવાનું જણાવેલ. જૂનાગઢ નેત્રમ શાખાના પોલીસ સ્ટાફ દ્વારા સુરેશભાઇ પરમારનું રૂ. ૩૦,૦૦૦/- ની કિંમતનુ સોનાની બુટ્ટી તથા નજરીયા સહિતના સામાનનું બેગ શોધી રીકવર કરી સહિ સલામત પરત અપાવવા માટે કરેલ તાત્કાલિક અને સવેંદનપૂણૅ કાર્યવાહીથી પ્રભાવિત થઈને સુરેશભાઇ તથા તેમના પરીવરે જણાવેલ કે તેમને આ બેગ પરત મળે તેવી આશા પણ ના હતી, અને આટલી ઝડપથી આ બેગ શોધી આપતા તેણે જૂનાગઢ પોલીસનો ખૂબ આભાર વ્યક્ત કર્યો હતો….*_

જૂનાગઢ જીલ્લા પોલીસ વડા શ્રી હર્ષદ મહેતા સાહેબ દ્વારા સંવેદના પૂર્ણ કાર્યવાહી કરવા બદલ જીલ્લા નેત્રમ શાખા (કમાન્ડ & કંટ્રોલ સેન્ટર) પોલીસ ટીમને અભિનંદન આપેલ હતા. આમ, નેત્રમ શાખાના પોલીસ સ્ટાફ દ્વારા સુરેશભાઇ પરમારનું રૂ. ૩૦,૦૦૦/- ની કિંમતનુ સોનાની બુટ્ટી તથા નજરીયા સહિતના સામાનનું બેગ તાત્કાલીક શોધી પરત અપાવી, સુરક્ષા સાથે સેવાનું ઉત્તરદાયિત્વ નિભાવી “પોલીસ પ્રજાનો મિત્ર છે” એ સૂત્રને સાર્થક કરવામાં આવેલ છે..

મહેશ કથિરીયા
બ્યુરો ચીફ જૂનાગઢ
દૂરદર્શી ન્યુઝ