જૂનાગઢ ના સાગરભાઈ જાદવના રૂ. ૩૫,૦૦૦/- ની કિંમતના ફોરવ્હીલના સ્પેરપાર્ટ ખોવાતા  સીસીટીવી કેમેરાની મદદથી જૂનાગઢ પોલીસ દ્રારા  શોધીને અરજદારને પરત કર્યા

જૂનાગઢ રેન્જના આઈજી શ્રી નિલેશ જાજડીયા સાહેબ* તથા જૂનાગઢ જીલ્લા પોલીસ વડા શ્રી હર્ષદ મહેતા સાહેબ* દ્વારા જૂનાગઢ જીલ્લાના તમામ થાણા અમલદારોને પ્રજા સાથે સોહાર્દપૂર્ણ વર્તન કરી મદદરૂપ થવા તેમજ પોલીસ સ્ટેશન ખાતે મદદ માટે આવતા લોકોને શક્ય તે મદદ કરી, પોલીસ પ્રજાનો મિત્ર છે,* એ સૂત્રને સાર્થક કરવા તમામ પ્રયત્નો કરવા ખાસ સૂચના કરવામાં આવેલ છે._

અરજદાર સાગર પરબતભાઇ જાદવ આણંદપુર જૂનાગઢના વતની હોય, સાગરભાઈનું ફોરવ્હીલના સ્પેરપાર્ટનું પાર્સલ રેલ્વે સ્ટેશન ખાતે આવવાનું હોય તથા તે જ સમય દરમ્યાન અન્ય કોઇ વ્યક્તિનું પાર્સલ પણ ત્યાં આવેલ હોય જેથી પાર્સલ લઈને આવનાર વ્યક્તિથી ભૂલથી સાગરભાઈના રૂ. ૩૫,૦૦૦/- ની કિંમતના ફોરવ્હીલના સ્પેરપાર્ટનું પાર્સલ અન્ય વ્યક્તિને અપાઈ ગયેલ હોય* સાગરભાઈએ તે અજાણયા વ્યકિતને શોધવાનો પ્રયત્ન કરેલ પરંતુ તે વ્યક્તિ મળી આવેલ નહીં. પાર્સલમાં રૂ. ૩૫,૦૦૦/-ના ફોરવ્હીલના સ્પેરપાર્ટ હોય જે સાગરભાઈ માટે ખૂબ મોટી રકમ હોય. તે અજાણયા વ્યક્તિને કેવી રીતે શોધવો?? ખોવાયેલ પાર્સલ પરત મળશે કે નહીં જેવી બાબતથી સાગરભાઈ ખૂબ વ્યથીત થઇ ગયેલ હતા આ બાબતની જાણ નેત્રમ શાખા (કમાન્ડ & કંટ્રોલ સેન્ટર)ના પી.એસ.આઇ. પી.એચ.મશરૂને કરતા નેત્રમ શાખા પોલીસ સ્ટાફ દ્રારા કાર્યવાહી હાથ ધરવામાં આવેલ._

જૂનાગઢ હેડક્વાટરના ડી.વાય.એસ.પી શ્રી એ.એસ.પટ્ટણી સાહેબના માર્ગદર્શન હેઠળ નેત્રમ શાખા (કમાન્ડ & કંટ્રોલ સેન્ટર) ના પી.એસ.આઇ પી.એચ.મશરૂ, પો.કોન્સ. વિજયભાઇ છૈયા, દક્ષાબેન પરમાર, રૂપલબેન છૈયા, એન્જીનીયર મસઉદ અલીખાન પઠાણ સહીતની ટીમ દ્વારા જહેમત ઉઠાવી વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV કેમેરાની મદદથી ચેક કરતા સાગરભાઈના રૂ. ૩૫,૦૦૦/- ની કિંમતના ફોરવ્હીલના સ્પેરપાર્ટનું પાર્સલ જે વ્યક્તિ ભૂલથી લઇ ગયેલ હોય તેનો સમગ્ર રૂટ ચેક કરતાં તે વ્યક્તિ રેલ્વે સ્ટેશન ખાતે પાર્સલ લેવા બાઇક લઈને આવેલ હોય તેવું જાણવા મળેલ જે આધારે તે બાઈકના રજી ના GJ-3-BN-585 શોધેલ.*_

જૂનાગઢ નેત્રમ શાખાના પોલીસ સ્ટાફ દ્વારા તે બાઇક ચાલકનો સંપર્ક કરી પૂછપરછ કરતા ફોરવ્હીલના સ્પેરપાર્ટનું પાર્સલ તેમની પાસે જ હોવાનું જણાવેલ આમ જૂનાગઢ નેત્રમ શાખાના પોલીસ સ્ટાફ દ્વારા સાગરભાઈ જાદવનું રૂ. ૩૫,૦૦૦/- ની કિંમતના ફોરવ્હીલના સ્પેરપાર્ટનું પાર્સલ શોધી રીકવર કરી સહિ સલામત પરત અપાવવા માટે કરેલ તાત્કાલિક અને સવેંદનપૂણૅ કાર્યવાહીથી પ્રભાવિત થઈને સાગરભાઈ જાદવએ જણાવેલ કે તેમને આ પાર્સલ પરત મળે તેવી આશા પણ ના હતી, અને આટલી ઝડપથી આ પાર્સલ પોલીસે શોધી આપતા તેમણે જૂનાગઢ પોલીસનો ખૂબ આભાર વ્યક્ત કર્યો હતો….*_

‌જૂનાગઢ જીલ્લા પોલીસ વડા શ્રી હર્ષદ મહેતા સાહેબ દ્વારા સંવેદના પૂર્ણ કાર્યવાહી કરવા બદલ જીલ્લા નેત્રમ શાખા (કમાન્ડ & કંટ્રોલ સેન્ટર) પોલીસ ટીમને અભિનંદન આપેલ હતા. આમ,નેત્રમ શાખાના પોલીસ સ્ટાફ દ્વારા સાગરભાઈ જાદવનું રૂ. ૩૫,૦૦૦/- ની કિંમતના ફોરવ્હીલના સ્પેરપાર્ટનું પાર્સલ શોધી પરત અપાવી, સુરક્ષા સાથે સેવાનું ઉત્તરદાયિત્વ નિભાવી “પોલીસ પ્રજાનો મિત્ર છે” એ સૂત્રને સાર્થક કરવામાં આવેલ છે..

મહેશ કથિરીયા
બ્યુરો ચીફ જૂનાગઢ
દૂરદર્શી ન્યુઝ