ઝઘડિયા તાલુકાના મુલદ ગામે જુગાર રમતા ચાર જુગારીઓ ઝડપાયા

ઝઘડિયા તાલુકાના મુલદ ગામેથી પોલીસે બાતમીના આધારે જુગાર રમતા ચાર જુગારીઓને ઝડપી તેમની પાસેથી રોકડા રૂપિયા જપ્ત કર્યા છે. ઝઘડિયા પોલીસ મથકમાંથી મળતી માહિતી મુજબ ગતરોજ ઝઘડિયા પોલીસ નાઇટ પેટ્રોલિંગમાં હતી ત્યારે તેમને બાતમી મળી હતી કે મુલદ ગામે નવીનગરીના મંદિર ફળિયામાં કેટલા ઈસમો જાહેરમાં પાના પત્તા વડે રૂપિયાના હાર જીતનો જુગાર રમે છે.ઝઘડિયા પોલીસે બાતમી વાળા સ્થળે છાપો મારતા કેટલા ઇસમો ગોળ કુંડાળું વળી પાના પત્તા વડે જુગાર રમતા હોય તેઓને ઝડપી પાડ્યા હતા. ઝડપાયેલા જુગારીયાઓ પાસેથી રોકડા રૂપિયા ૧૧૬૦ પોલીસે કબજે લીધા હતા. પોલીસે (૧) કમલેશ ગુમાન વસાવા (૨) રાહુલ રૂપસિંગ વસાવા (૩) જગદીશ રતિલાલ વસાવા (૪) દિનેશ મોરાર વસાવા તમામ રહે મુલદ તા. ઝઘડિયા વિરુદ્ધ જુગારધારા હેઠળ ફરિયાદ નોંધી કાર્યવાહી હાથ ધરી છે.