રાજપીપલા, ગુરૂવાર :- નર્મદા જિલ્લા કલેકટર શ્રીમતી શ્વેતા તેવતિયાના અધ્યક્ષતામાં તા.૦૪/૦૫/૨૦૨૩ ના રોજ તેમની ચેમ્બરમાં કર્મચારી- કલ્યાણની પ્રવૃત્તિ અંગે જિલ્લા કક્ષાની સમિતિની બેઠક યોજાઇ હતી. કર્મચારી કલ્યાણની પ્રવૃતિને વધુ અસરકારક અને વેગવાન બનાવવા અંગે જરૂરી ચર્ચા-વિચારણા કરાઈ હતી. જેમાં બાળકોને પ્રોત્સાહિત કરતી પ્રવૃત્તિઓ તથા રમત-ગમત જેવી બાબતો ઉપર વિશેષ ભાર મુકવામાં આવ્યો હતો. સાથે કર્મચારીઓના કોન્ટ્રિબ્યુશનથી પ્રયાસ કરવા અને કૌટુંબિક ભાવના પેદા થાય તેવા કાર્ય કરવા અનુરોધ કર્યો હતો.
ઉકત બેઠકમાં નવા સભ્યોની નોંધણી કરવા તથા ફી જમા કરાવવા બાબત, ગત વર્ષ ૨૦૨૨માં અધિકારીઓ-કર્મચારીઓના પુત્ર-પુત્રી જેઓ ધોરણ – ૧૦ અને ૧૨ (સાયન્સ તથા સામાન્ય પ્રવાહ) માં
૮૦% કરતા વધુ ગુણથી ઉત્તીર્ણ થયેલ હોય તેમને પુરસ્કાર આપવા બાબત, રમત-ગમતના સાધનોની ખરીદીની પ્રગતિ અને સ્પર્ધા યોજવા બાબત, હેલ્થ ચેકઅપ, રકતદાન કાર્યક્રમોનું જિલ્લા-તાલુકા કક્ષાએ યોજવા બાબત, પ્રવાસ યોજના, કર્મચારીઓની કલ્યાણ પ્રવૃત્તિઓ બાબતે સ્પોન્સરશીપ મેળવવા બાબતના મુદ્દા અંગે ઉપસ્થિત અધિકારીઓના સમક્ષ ચર્ચાઓ કરવામાં આવી હતી.
બેઠકમાં જિલ્લા કલેકટર શ્રીમતી શ્વેતા તેવતિયાએ નર્મદા જિલ્લાના ૨૦૧૯ થી ૨૦૨૨ સુધીમાં ધોરણ -૧૦ અને ૧૨ (સાયન્સ-સામાન્ય) પ્રવાહમાં ૮૦% કરતા વધુ ગુણથી ઉત્તીર્ણ થયેલ હોય તેમને પુરસ્કાર પ્રમાણપત્ર આપીને પ્રોત્સાહિત કરવા અંગે કાર્યક્રમો યોજવા સહિત રમત- ગમત ક્ષેત્રે જિલ્લા અને તાલુકા કક્ષાએ સ્પર્ધાઓ યોજીને વિદ્યાર્થીઓને પ્રોત્સાહન કરવા અને પર્વતારોહણ પ્રવાસનું આયોજન કરવા બાબતે સુચારુ સૂચનો આપ્યા હતા. અને સૌ સાથે મળીને યોગ્ય આયોજન કરી આગળ વધવા જણાવ્યું હતું.
આ બેઠકમાં જિલ્લા વિકાસ અધિકારીશ્રી અંકિત પન્નુ, નિવાસી અધિક કલેકટરશ્રી સી. એ. ગાંધી, માહિતી વિભાગના નાયબ માહિતી નિયામકશ્રી અરવિંદ મછાર, જિલ્લા રમત વિકાસ અધિકારીશ્રી વિષ્ણુભાઇ વસાવા, જિલ્લા શિક્ષણાધિકારીશ્રીના પ્રતિનિધિ, રેવેન્યુ કર્મચારી મંડળના પ્રમુખ, જિલ્લા પંચાયત પ્રમુખના પ્રતિનિધિ તેમજ સંબંધિત અધિકારીશ્રી-કર્મચારીશ્રીઓ ઉપસ્થિત રહ્યા હતા.
More Stories
બોડેલી પોલીસ સ્ટેશન વિસ્તારના ભોરદા ગામે કેનાલ પાસે રોડ ઉપરથી કિ.રૂ.૪,૩૬,૯૭૦/- નો ભારતીય બનાવટનો વિદેશી દારૂ ઝડપી પાડતી છોટાઉદેપુર લોકલ ક્રાઇમ બ્રાન્ચ.
વડોદરા જાબુવા ખાતે BSUP ના કોરપોરેસ્ન ધવારા અને કોરપોરેસ્ન ની હદમા મકાન આપવામા આવેલા અને તયા પાણી ભરાઈ જવાના કારને દુરર્ગંધ મારી રહેલ હોવાથી રોગચાડો ફેલાય જેવુકે ડેગયુ મેલેરયા કોલેરો ફાતી નીકડે તવી પરીસતીથી જોવા મડીરહી છે એકબાજુ કચરાપેડી આગનવાડી આવેલી છે
બોડેલીની છોટાઉદેપુર જિલ્લાની મુખ્ય ઓરસંગ નદી પર ના બ્રિજ પર નો રોડ ખાડા થી ભરપૂર અને ખખડધજ હોય વાહન ચાલકો રોજિંદી મુશ્કેલી ભોગવી રહ્યા છે.