રાજપીપળા નગર “ધૂળ ને હવાલે? શાસકો મસ્ત પ્રજા ત્રસ્તબે દિવસ અગાઉ રાજપીપળા આવેલા ગૃહ રાજયમંત્રી હર્ષ સંઘવી ના કફલાને પણ નગર ના મધ્ય માંથી લઈ જવાને બદલે સંતોષ ચાર રસ્તા તરફ ફેરવીને લઈ જવાયા હતા.રસ્તા ઉપર ઊડતી દમની દિમારીઓ ધરાવતા વૃદ્ધો ના ફેફસાં મા ઘુસી જાય ત્યારે શ્વાસ લેવુ પણ મુશ્કેલ બને એની જાણ AC ચેમ્બરો અને લક્ઝુરિયસ કારો મા ફરતા શાસકોને હોય ખરી??

ઈકરામ મલેક:રાજપીપળા


કોરોના ગયો છતાં રાજપીપળા વાસીઓ માસ્ક પહેરવાનું કેમ છોડતા નથી?? એવું બહાર ના લોકો સતત અવલોકન કરી રહ્યા હતા, ત્યારે એના પાછળનું રહસ્ય હવે સામે આવ્યું છે. કારણ કઈંક એવું છે કે….રાજપીપળામા કોરોના કાળ માંજ શરૂ થયેલી ફોર લેન માર્ગની કામગીરી છેલ્લાં ત્રણ વર્ષથી ચાલતી આવી છે, ત્યાર બાદ ઘર વપરાશ ની ગેસ લાઈન અને ભૂગર્ભ ગટર યોજના એ ઉપડો લેતા નગરના સ્ટેશન રોડ સહિત આખા નગર મા વિકાસ નું ચક્રવાત ફરી વળતા ચારે બાજુ ધૂળ, કાદવ અને કાંકરા છવાઈ ગયા છે, ત્યારે નગરજનો પોતાની નાક મા હવે ધૂળ ના ઘુસી જાય એ માટે માસ્ક પહેરી રાખે છે.


   છેલ્લા ત્રણ વર્ષ થી નગરજનો ફોર લેન માર્ગ, ભૂગર્ભ ગટર યોજના અને ઘર વપરાશ ની ગેસ લાઈન ના ખોદકામ ને કારણે ઉદભવતી હાલાકી ભરી પરિસ્થિતિ ને ચૂપ છાપ સહન કરી રહ્યા છે..ગત વર્ષે આખું ચોમાસુ કાદવ કીચડ મા પસાર કર્યા બાદ હવે ફરીથી ભૂગર્ભ ગટર ની ખોડકમ કામગીરી નગર ના મધ્ય મા આવી પહોંચતા સ્ટેશન રોડ ના દુકાનદારો ની દુકાનો મા ધૂળ ની ડમરીઓ ફરી વળતા આખી દુકાનો ધૂળ મયી બની ગઈ છે…


  સૌથી વધુ કફોડી સ્થિતિ ખાણી પીણી ની ચીજ વસ્તુઓ નું વેચાણ કરતા દુકાનદારો ની છે, તેમણે ફરજીયાત પોતાની દુકાન આગળ પ્લાસ્ટિક ના લટકણીયા લટકાવવાનો ખર્ચ કરવો પડ્યો છે. એ સિવાય પણ સ્ટેશન રોડ ના તમામ દુકાનદારો રોજે રોજ ઊડતી ધૂળ થી પરેશાન છે, પણ તેઓ ની સહન શક્તિ અદભુત છે. અને એની સામે શાસકો પણ બિન્દાસ્ત બન્યા છે.