મેયર હેમાલી બોઘાવાલાના હસ્તે વિવિધ વિકાસ કામોનું ખાતમુહૂર્ત અને લોકાર્પણ

શેલ્ટર હોમ, લેક ગાર્ડન, બસ શેલ્ટર, પ્લોટના પ્લેસ મેકિંગનું લોકાર્પણ
——-
સુરત:શનિવાર: સુરત મહાનગરપાલિકા દ્વારા ભારતીય રાષ્ટ્રવાદના સેનાની ડૉ. શ્યામાપ્રસાદ મુખર્જીની જન્મજયંતિ નિમિત્તે ‘સેવા સપ્તાહ’ની ઉજવણીના ભાગરૂપે મેયરશ્રી હેમાલી બોઘાવાલાએ સુરતમાં વિવિધ વિકાસકાર્યોનું ખાતમુહુર્ત અને લોકાર્પણ કર્યું હતું. જેમાં અઠવા ખાતે EWS-II પ્રકારના ૯૨૮ આવાસો, તમામ આંતરિક સુવિધાઓ તેમજ સાઈડ ડેવલોપમેન્ટની કામગીરીનું ખાતમુહૂર્ત કરાયું હતું, જ્યારે સાઉથ વેસ્ટ અઠવા ઝોન ખાતે શહેરી ઘરવિહોણા લોકોને આશ્રય પુરો પાડવા શેલ્ટરહોમનું, વેસુ-ભરથાણામાં આવેલા લેકગાર્ડનનું તેમજ અલથાણ-ભટાર અને અલથાણ-સાઉથ પાસે આવેલા પ્લોટના પ્લેસ મેકિંગનું લોકાર્પણ કરવામાં આવ્યું હતું. જ્યારે અઠવા ઝોનમાં સુરત બી.આર. ટી. એસ. ફેઝ-૨ અન્વયે SVNIT જંકશનથી પાલ-ઉમરા એપ્રોચ રૂટ પર બસ શેલ્ટરનું લોકાર્પણ કરાયું હતું.
આ પ્રસંગે ધારાસભ્ય શ્રીમતી ઝંખનાબેન પટેલ, ડે.મેયર દિનેશભાઈ જોધાણી, સ્થાયી સમિતિના ચેરમેન પરેશભાઈ પટેલ, શાસક પક્ષના નેતા અમિતસિંહ રાજપુત, પાલિકાની વિવિધ સમિતિના ચેરમેનો, કોર્પોરેટરો તેમજ અગ્રણીઓ ઉપસ્થિત રહ્યા હતા.