આગ અકસ્માતમાં ભોગ બનનાર લોકોને તાત્કાલિક સહાય ચુકવવા પૂર્વ ધારાસભ્યની મુખ્યમંત્રીને રજુઆત

નર્મદા જિલ્લાના ડેડીયાપાડા તેમજ સાગબારાના આગ અકસ્માતમાં ભોગ બનનાર પરિવારોને ત્રણ ત્રણ મહિના વીતી ગયા હોવા છતાં સહાય ન મળતા પૂર્વ વન મંત્રી અને ડેડીયાપાડા વિધાનસભાના પૂર્વ ધારાસભ્ય મોતિલાલ વસાવા એ ગુજરાતના મુખ્યમંત્રી ભુપેન્દ્ર પટેલને પત્ર લખી ભોગ બનનાર પરિવારને તાત્કાલિક ધોરણે સહાય ચુકવવા જણાવ્યું છે.
નર્મદા જિલ્લાના ડેડીયાપાડા તાલુકાના આગ અકસ્માતમાં જુદા-જુદા 19 ઘર માલિકોના ઘર અને ધરવખરીને નુકશાન થયેલ છે. તેમજ સાગબારા તાલુકાના બે પરિવારોને નુકશાન થયેલ છે. આ અકસ્માતને ૩ (ત્રણ) મહિના જેટલો સમય થવા છતાં પણ સહાય કે સરકાર દ્વારા કોઇ મદદ મળેલ નથી . પાટવલી ગામેં 2 માર્ચના રોજ કાચા ઘરોમાં આકસ્મિક આગ લાગતા કાચા ઘરો બળીને ખાખ થઈ ગયા હતા. આ ઉપરાંત ઘરમાં રાખેલો ઘરવખરીનો સામાન તેમજ પશુઓના પણ મોત થયા હતા. આ ગરીબ પરિવારને સરકારી સહાય ન મળતા 45 ડીગ્રી ઉનાળાના ધોમધખતા તાપમાં તાડપત્રીના સહારે લોકોને રહેવાની ફરજ પડી હતી. હાલ ત્રણ મહિના વીતી ગયા અને ચોમાસાનો સમય શરૂ થવાનો છે ત્યારે આ પરીવારના માથે છત પણ ન હોવાને કારણે સત્વરે સહાય મળે તો પોતાના ઘર બનાવી શકે તથા ઘરવખરી ખરીદી શકે.
તેમજ હાલમાં જ ડેડીયાપાડા અને સાગબારા તાલુકામાં ગાજવીજ સાથે વરસાદ થતા કણજી વાંદરી ગામ ખાતે દેવ નદીમાં 8 વર્ષની મમતાબેન વસાવા તણાઈ જતા આકસ્મિક મૃત્યુ થયેલ છે. તેમજ સીમાઆંબલી ગામ ખાતે આકાશી વિજળી પડતા ગીતાબેન કાલીયાભાઈ વસાવા મૃત્યુ થયેલ છે. આ તમામ ને તાત્કાલિક સહાય મળે તે માટે પૂર્વ મંત્રી દ્વારા રજુઆત કરવામાં આવી છે.

રિપોર્ટ. દિનેશ વસાવા. ડેડીયાપાડા. 9909355809