ઝઘડીયાના લિમોદરા ગામના યુવકની ગળાફાંસો ખાઇને આત્મહત્યા

ડી એન એસ ન્યૂઝ ભરૂચ 04-05-22

પ્રતિનિધિ / સતીશ વસાવા ઝગડીયા

ભરૂચ જિલ્લાના ઝઘડીયા તાલુકાના લિમોદરા ખાતે રહેતા એક ૨૯ વર્ષીય યુવકે ગળા ફાંસો ખાઇને આત્મહત્યા કરી હોવાની ઘટના સામે આવી રહી છે

ઝઘડીયા પોલીસમાંથી મળતી વિગતો અનુસાર લિમોદરા ગામે રહેતા મેલસિંગભાઇ કાલિદાસભાઇ વસાવા ડ્રાઇવિંગનો વ્યવસાય કરે છે. ગતરોજ તા.૩ જીના રોજ રાતના સાડા નવેક વાગ્યાના અરસામાં તેમના ૨૯ વર્ષીય પુત્ર પ્રવિણભાઇ વસાવા નામના પુત્રએ ઘરના માળિયાના લાકડા સાથે નાયલોનની દોરી બાંધીને ગળાફાંસો ખાઇ લીધો હોવાની જાણ થઇ હતી. ત્યારબાદ પ્રવીણને અવિધા સરકારી દવાખાને લઇ જવાતા ત્યાં ફરજ પરના તબીબે મરણ પામેલ જાહેર કર્યો હતો. આ અંગે મૃતકના પિતા મેલસિંગભાઇ વસાવા રહે.લિમોદરાનાએ ઝઘડીયા પોલીસમાં આ અંગે જાણ કરી હતી.

#DNSNEWS

#satishvasava