રાજકોટમાં થયેલી દુર્ઘટનાને પગલે અમદાવાદમાં પણ તંત્ર કામે લાગ્યું છે. અમદાવાદ શહેરમાં DEOની 20 ટીમો દ્વારા શાળાઓમાં તપાસ હાથ ધરાઇ હતી. તો બીજી તરફ અમદાવાદ ગ્રામ્યની શાળાઓમાં NOCની તપાસ હાથ ધરાઈ હતી.
શહેરની 400થી વધુ શાળાઓમાં ચેકિંગ
અમદાવાદ શહેરની 400થી વધુ શાળાઓમાં તંત્ર દ્વારા ચેકિંગ કરાયું હતું. જેમાંથી 9 શાળાઓમાં NOC એક્સપાયર્ડ હોવાથી તાત્કાલિક ધોરણે NOC માટેની કાર્યવાહી કરવા નોટિસ અપાઇ છે.
જ્યારે 11થી વધુ શાળાઓમાં પતરાના શેડ જોવા મળ્યા હતાં. જે તમામ શાળાઓને લઇ સુનાવણી હાથ ધરાઇ હતી. જેમાં 7 શાળાઓમાં સુનાવણી થઇ ચુકી છે જ્યારે બાકીની શાળાઓની સુનાવણી કરી શેડ દૂર કરવાની કાર્યવાહી હાથ ધરાશે.
ગ્રામ્ય વિસ્તારની શાળાઓમાં તપાસ
તો બીજી તરફ અમદાવાદ ગ્રામ્યની શાળાઓમાં તપાસ હાથ ધરાઇ હતી. આશરે 70 શાળાઓમાં ફાયર સેફ્ટી અને ફાયર NOCની તપાસ કરાઈ હતી. જેમાંથી 2 શાળાએ ફાયર NOC રીન્યુ ન કરાવી હોવાનું ખુલ્યું જ્યારે ફાયર NOC ન હોવાથી શાળાને નોટિસ આપવામાં આવી. આ સાથે જ 6 શાળાઓમાં પતરાના શેડ હોવાનું સામે આવ્યું હતું. જેથી આવી શાળાઓને નોટિસ આપી જવાબ રજૂ કરવા ગ્રામ્ય DEOએ આદેશ કર્યો છે.
More Stories
પોષણ ટ્રેકર એપ્લિકેશન દ્વારા આંગણવાડી કેન્દ્રો અને પોષણ ટ્રેકરનું સ્ટેટ ડેશબોર્ડથી રિયલ ટાઇમ મોનિટરીંગ
ભરૂચ જિલ્લા મુખ્ય આરોગ્ય અધિકારીએ પુરઅસરગ્રસ્ત વિસ્તારોની મુલાકાત કરી થઈ રહેલી આરોગ્ય વિષયક કામગીરીનું નિરીક્ષણ કર્યું
બોડેલી પોલીસ સ્ટેશન વિસ્તારના ભોરદા ગામે કેનાલ પાસે રોડ ઉપરથી કિ.રૂ.૪,૩૬,૯૭૦/- નો ભારતીય બનાવટનો વિદેશી દારૂ ઝડપી પાડતી છોટાઉદેપુર લોકલ ક્રાઇમ બ્રાન્ચ.