ગુજરાત વિધાનસભાની અનુ. જનજાતિઓના કલ્યાણ માટેની સમિતિના અધ્યક્ષશ્રી નરેશભાઇ પટેલના વડપણ હેઠળની સમિતિનો તા.૨૪ થી તા.૨૬ મી ઓગષ્ટ સુધી નર્મદા જિલ્લાનો પ્રવાસ કાર્યક્રમ

રાજપીપલા, શનિવાર:- ગુજરાત વિધાનસભાની અનુ. જનજાતિઓના કલ્યાણ માટેની સમિતિના અધ્યક્ષશ્રી નરેશભાઇ પટેલના વડપણ હેઠળની સમિતિ તા.૨૪ થી તા.૨૬ મી ઓગષ્ટ,૨૦૨૧ સુધી નર્મદા જિલ્લાના પ્રવાસે આવી રહી છે. આ સમિતિ તા.૨૪ મી ઓગષ્ટને મંગળવારના રોજ સાંજે ૬:૩૦ કલાકે કેવડીયા ખાતે આવી પહોંચશે અને રાત્રી રોકાણ કેવડીયા ખાતે કરશે.
આ સમિતિ તા.૨૫ મી ઓગષ્ટ,૨૦૨૧ ને બુધવારના રોજ સવારે કેવડીયાથી વાવડી ગામે જવા રવાના થશે અને વાવડી ખાતે CNG સ્ટેશનની મુલાકાત લેશે. ત્યારબાદ બપોરે ૨:૦૦ કલાકે આ સમિતિ સ્ટેચ્યુ ઓફ યુનિટીની મુલાકાત લેશે અને રાત્રી રોકાણ કેવડીયા ખાતે કરશે. તા.૨૬ મી ઓગષ્ટ,૨૦૨૧ ગુરૂવારના રોજ સવારે ૭:૩૦ કલાકે કેવડીયાથી નાંદોદ તાલુકાની કરજણ જળાશય યોજનાના સ્થળે જવા રવાના થશે અને સવારે ૮:૩૦ કલાકે કરજણ જળાશય યોજના ખાતે પહોંચીને કરજણ જળાશય યોજનાની મુલાકાત લેશે. ત્યારબાદ આ સમિતિ સવારે ૧૦:૩૦ કલાકે સુરત જિલ્લાની કાકરાપાડ-ગોરધાવડ સિંચાઇ યોજના ખાતે જવા રવાના થશે.