ભરૂચ જિલ્લા ના ઝગડીયા તાલુકામા ગાંધીનગર ની સ્ટેટ મોનીટરીંગ સેલની ટીમ ત્રાટકી….ઝઘડિયા બાદ ઉમલ્લા ગામેં વિદેશી દારૂ ઝડપી પાડ્યો….

પ્રતિનિધિ / સતીશ વસાવા / દૂરદર્શી ન્યૂઝ

અચાનક ગાંધીનગર સ્ટેટ મોનીટરીંગ ની ટીમ ને ભરૂચ જિલ્લા ના ઝગડીયા ના ગ્રામ્ય વિસ્તારો માં દારૂ જુગાર ના બે નબરી ધધાં ચાલતા હોવાની બાતમી મળી હતી જેના પગલે ઝઘડીયા તાલુકાના ઉમલ્લા ગામે ટીમેં છાપો માર્યો હતો.જેમાં ઉમલ્લા ગામે રહેતા જગદીશ મનસુખ વસાવા ના ઘરે થી ભારતીય બનાવટ નો વિદેશી દારૂ સહિત કુલ રૂપિયા 28110 / – ના મુદ્દામાલ સાથે જગદીશ મનસુખ વસાવા ને ઝડપી પાડ્યો હતો તથા અન્ય બે આરોપી દિનેશ વસાવા રહે ચિત્રોલ તેમજ સંદીપભાઈ સંજયભાઈ વસાવા રહે સંજાલી ને વોન્ટેડ જાહેર કરી આ દિશામા વધુ તપાસ હાથ ધરવામાં આવી છે.

અત્રે ઉલ્લેખનીય છે કે આ વિસ્તારોમાં પોલીસ ની નજર સમક્ષ જાહેર મા જ અને બજારો ની વચ્ચેજ દારૂ અને જુગાર ના હડા ચાલતા હોવાનું મનાય છે ત્યારે આજરોજ સ્ટેટ મોનીટરીંગ ની ટીમ ઝઘડિયા તાલુકા માં ત્રાટકતા ઝઘડીયા,રાજપારડી,ઉમલ્લાના સ્થાનિક પોલીસ બેડામા પણ ફફડાટ નો માહોલ ઉભો થયો છે.સ્ટેટ મોનીટરીંગ ની ટીમ છાપો મારી ભારતીય બનાવટ નો વિદેશી દારૂ જડપી પાડતા ઉમલ્લા ગામની સ્થાનિક પોલીસની કામગીરી સામે અનેક સવાલો ઉભા થઇ રહ્યાછે ઝઘડીયા,રાજપારડી,ઉમલ્લાની સ્થાનિક પોલીસ પણ સતર્કતા દાખવી તાલુક‍ામાં આવી ગુનાહિત પ્રવૃતિઓ પર રોક લગાવે એવી લોક માગ ઉઠવા પામી છે…..