ભારતમાં કોરોના વેક્સિનેશનમાં ૧૦૦ કરોડ ડોઝનો રેકોર્ડ તેમજ ભરૂચ જિલ્લામાં કોવિડ રસીકરણ ૧૧.૮૭ લાખને પાર કરતા ઉજવણી કરાઈ૦ ૦ ૦ ૦ ૦ ૦ ૦ ૦જિલ્લા પંચાયત ભરૂચ ખાતે રંગોળી પ્રદર્શન પણ કરાયું

ભરૂચઃ ગુરૂવારઃ- ભારતમાં કોરોના વેક્સિનેશનમાં ૧૦૦ કરોડ ડોઝનો રેકોર્ડ બનતા તેમજ ભરૂચ જિલ્લામાં કોવિડ રસીકરણ ૧૧.૮૭ લાખને પાર કરતાં ભરૂચ જિલ્લા પંચાયત ખાતે ફુગ્ગા ઉડાડી સ્થાનિક કક્ષાએ હર્ષોલ્લાસપૂર્વક ઉજવણી કરવામાં આવી હતી. જેમાં કોરોના વોરીયર્સ જોડાયા હતા. આ પ્રસંગે રંગોળી પ્રદર્શન પણ કરવામાં આવ્યું હતું.
આ વેળાએ જિલ્લા પંચાયતના પ્રમુખશ્રીમતિ અલ્પાબેન પટેલ, જિલ્લા કલેક્ટર અને જિલ્લા વિકાસ અધિકારીશ્રી યોગેશભાઈ ચૌધરી, જિલ્લા પંચાયત આરોગ્ય સમિતિના ચેરમેન શ્રીમતિ આરતીબેન પટેલ, જિલ્લા આરોગ્ય અધિકારી ડૉ. જે.એસ.દુલેરા તેમજ આરોગ્ય વિભાગના અધિકારી-કર્મચારીઓ ઉપસ્થિત રહ્યા હતા.