ભરૂચ કાકા પાર્કિંગ હબમાં ટ્રકના ચોરખાનામાંથી વિદેશી દારૂનો જથ્થો ઝડપાયો

ભરૂચ નેશનલ હાઇવે નંબર 48 ઉપર અંકલેશ્વર થી ભરૂચ જતા રોડ પર આવેલ “કાકા પાકિંગ હબ” માં સીઝ કરાયેલ ટ્રકના ચોર ખાનામાંથી વિદેશી દારૂનો જથ્થો ઝડપાયો હતો
ભરૂચ લોકલ ક્રાઇમ બ્રાંચની ટીમ બાતમી મળેલ કે ને.હા.નં.48 ઉપર અંકલેશ્વર થી ભરૂચ તરફ જતા રોડની સાઈડે હીલ્ટન હોટલની પાછળ આવેલ “કાકા પાર્કિંગ હબ” નામના પાર્કિંગમાં અલગ અલગ ગાડીઓ સીઝ કરીને મુકવામાં આવે છે જે પૈકી સીઝ કરેલ ટ્રક નંબર GJ/12/AT/6313 માં વિદેશી દારૂનો જથ્થો ભરેલ જે બાતમીના આધારે પોલીસ ટીમે બાતમી વાળી જગ્યાએ છાપો માર્યો જેમાં પોલીસ ટીમને ટ્રકના કેબીનમાં અલગ અલગ જગ્યાએ બનાવેલ ચોરખાના માંથી તથા કેબીનના ઉપરના ભાગે થી તથા પાછળના ફાળકામાં ભરેલ વિદેશી દારૂનો જથ્થો મળી આવ્યો હતો પોલીસે વિદેશી દારૂની નાની મોટી બોટલ નંગ-636 કિંમત રૂપીયા 2,25,600 /- તથા ટ્રક કિંમત રૂપિયા 10 લાખ ગણી કુલ રૂપિયા 12,25,600નો મુદ્દામાલ જપ્ત કર્યો
સાથે ભરૂચ એલ.સી.બી પોલીસે આ કેસમાં વિરજકુમાર પ્રવીણચંદ્ર રાણા રહેવાસી. સંજય ગાંધી સોસાયટી નારાયણ નગર આંબરડી અમરેલી તથા અન્ય બે અજાણ્યા ઇસમો જેના નામ કે સરનામા મળી આવેલ નથી તેને વોન્ટેડ જાહેર કરી આગળની તપાસ અંકલેશ્વર શહેર પોલીસને સોંપી છે