રાજશ્રી પોલીફિલના સૌજન્યથી ઉમલ્લા ગામે કુમાર શાળા ખાતે નેત્ર નિદાન કેમ્પ યોજાયો..

ભરુચ જિલ્લાના ઝઘડિયા તાલુકાનાં ઉમલ્લા ગામ ખાતે રાજશ્રી પોલિફિલ ઉમલ્લા ના સૌજન્યથી ઝઘડિયા સેવારૂરલ દ્વારા નિશુલ્ક નેત્ર નિદાન અને મફત ઓપરેશન કેમ્પનું આયોજન કરવામાં આવ્યું હતું. આ આયોજિત કેમ્પમાં ઝઘડિયા સેવારૂરલ હોસ્પિટલના તબીબોએ ૨૩૧ આંખની વિવિધ સમસ્યા વાળા દર્દીઓની તપાસ કરવામાં આવી હતી અને ૪૦ જેટલા મોતિયાના ઑપરેશનની જરૂરિયાતવાળા દર્દીઓને સેવારૂરલ કસ્તુરબા હોસ્પિટલ ખાતે બોલાવી નિશુલ્ક ઑપરેશનની વ્યવસ્થા કરવામાં આવશે તદઉપરાંત ૧૬૧ ચશ્માની જરૂરિયાતવાળા આંખના નંબર તપાસીને ચશ્મા આપવમાં આવ્યા હતા,

અત્રે આયોજિત નેત્રનિદાન કેમ્પનો ઉમલ્લા અને ઝઘડિયા તાલુકાના વિવિધ ગામોના ૨૩૧ દર્દીઓએ લાભ લીધો હતો. ઉલ્લેખનીય છે કે રાજશ્રી પોલીફિલ સેન્ચુરી એન્કા લીમીટેડ અને ઝઘડિયા સેવારૂરલ સંસ્થા દ્વારા અવારનવાર વિવિધ કેમ્પોનું આયોજન કરી સેવાકીય કર્યો કરવામાં આવતા હોય છે..