ઝઘડીયા તાલુકાના અવિધા ગામે જુગાર રમતા પાંચ ઇસમોને પોલીસે ઝડપી લીધા

ઝગડીયા 18-02-2023

ભરૂચ જિલ્લાના ઝઘડિયા તાલુકાના અવિધા ગામે જુગાર રમતા પાંચ ઇસમોને પોલીસે ઝડપી લીધા હતા. આ અંગે રાજપારડી પોલીસમાંથી મળતી વિગતો મુજબ રાજપારડી પોલીસને અવિધા બીટ વિસ્તારમાં પેટ્રોલિંગ દરમિયાન બાતમી મળી હતી કે નવા અવિધા ગામે સંજયભાઇ મંગાભાઇ વસાવાના ઘરની પાસે આવેલ કોઠીના ઝાડ નીચે ખુલ્લી જગ્યામાં બેસીને કેટલાક ઇસમો પત્તાપાનાનો હારજીતનો જુગાર રમે છે. પોલીસે બાતમી મુજબના સ્થળે છાપો મારતા ત્યાં કેટલાક ઇસમો જુગાર રમતા જણાયા હતા.

પોલીસે ઘટના સ્થળેથી કિરણ સોમા વસાવા, મનીશ શુકલભાઇ વસાવા, શુકલ ફતેસીંગ વસાવા, રમેશ શંકર વસાવા તેમજ હરિસીંગ અશોક વસાવા તમામ રહે.ગામ નવા અવિધા તા.ઝઘડિયાનાને કુલ રુ.૧૬૯૦ ના મુદ્દામાલ સાથે ઝડપી લીધા હતા. પોલીસે જુગાર રમતા ઝડપાયેલ આ તમામ ઇસમો સામે ગુનો નોંધી કાયદેસર કાર્યવાહી હાથ ધરી હતી.

રિપોર્ટર / સતીશ વસાવા ઝગડીયા

#DNSNEWS