ઝઘડીયા તાલુકાના ડભાલ ગામેથી બાતમી ના આધારે ઉમલ્લા પોલીસે ઘરના વાડામાં સંતાડેલ વિદેશી દારુ ઝડપી પાડ્યો..પોલીસે દારૂ તો પકડયો પરંતુ બુટલેગર હાથ ના લાગ્યો!

ડી એન એસ ન્યૂઝ ભરૂચ -02-05-22

પ્રતિનિધિ / સતીશ વસાવા ઝગડીયા

પોલીસે દારૂ તો પકડયો પરંતુ બુટલેગર હાથ ના લાગ્યો!

ભરૂચ જિલ્લાના ઝઘડીયા તાલુકાના ડભાલ ગામેથી પોલીસે એક ઘરના પાછળના વાડામાં સંતાડેલ ભારતીય બનાવટનો વિદેશી દારુ ઝડપી લીધો હતો. ઉમલ્લા પોલીસમાંથી મળતી વિગતો મુજબ ઉમલ્લા પોલીસને પેટ્રોલિંગ દરમિયાન બાતમી મળી હતીકે ડભાલ ગામે રહેતા જયંતીભાઇ ચુનીલાલભાઇ વસાવા પોતાના ઘરે ભારતીય બનાવટનો પરપ્રાંતિય વિદેશી દારુ લાવીને વેચાણ કરે છે. પોલીસે બાતમી મુજબના સ્થળે છાપો મારતા આ ઇસમ ઘરે હાજર મળ્યો નહતો. પોલીસે ઘરના પાછળના વાડાના ભાગે તપાસ કરતા એક મીણીયા થેલામાં રાખેલ ભારતીય બનાવટના વિદેશી દારુની બોટલો તેમજ બિયરના ટીન મળી આવ્યા હતા. પોલીસે ઘટના સ્થળેથી કુલ રુ.૧૭૫૦૦ ના ભારતીય બનાવટના વિદેશી દારુનો મુદ્દામાલ કબજે લીધો હતો. પોલીસે પોતાના ઘરે ભારતીય બનાવટનો વિદેશી દારુ વેચાણ કરવાના ઇરાદે રાખનાર અને રેઇડ દરમિયાન ઘરે હાજર નહી મળેલ જયંતીભાઇ ચુનીલાલભાઇ વસાવા રહે.ગામ ડભાલ, તા.ઝઘડીયા, જિ.ભરુચના વિરુધ્ધ ગુનો નોંધી કાયદેસર કાર્યવાહી હાથ ધરી હતી.

#DNSNEWS

#satish vasava