નર્મદા: ડેડીયાપાડા મા એક સગીરા સાથે 6 યુવકો દ્વારા સામુહિક બળાત્કાર ની ઘટના સામે આવી

આદિવાસી બાહુલ્ય વિસ્તાર એવા ડેડીયાપાડા મા બનેલી ગેંગ રેપ ની ઘટના સ્માર્ટ ફોન મા જોવાતી પોર્ન સાઇટો ની આડઅસર પણ હોઈ શકે.

ઈકરામ મલેક: નર્મદા

નર્મદા જિલ્લા ના અંતરિયાળ વિસ્તાર એવા ડેડીયાપાડા તાલુકા ના ડેડીયાપાડા ગામે ધોરણ 11 મા ભણતી કિશોરી સાથે 6 યુવકો દ્વારા વારાફરતી ગેંગ રેપ કરવાની ઘટના સામે આવતા વાલીઓ મા પોતાની દીકરીઓ ની સલામતી ને લઈ ને ચિંતા પ્રસરી ગઈ છે. 31 જાન્યુઆરી 2022 ના રોજ તાલુકા ના એક ગામ ની સગીર વય ની દીકરી ને તેનાજ એક ઓળખીતા યુવક અંકિત સતીશ વસાવા દ્વારા અવાવરું જગ્યા એ મળવા બોલાવી બારોટ સ્કૂલ ની પાછળ આવેલા PWD ના અવાવરું મકાન ના પેહલા માળે લઈ જઈ જાન થી મારી નાખવાની ધમકી આપી સગીરા ની મરજી વિરુદ્ધ બળાત્કાર ગુજાર્યો હતો.

આરોપી દ્વારા સગીરા ઉપર બળાત્કાર ગુજર્યા બાદ ધામણ ખાડી વિસ્તાર મા લઈ ગયેલ જયાં પહેલે થીજ અન્ય બીજો એક આરોપી યુવકો આકાશ અશોક વસાવા, અને અન્ય એક સગીર દ્વારા પણ સગીરા સાથે વારાફરતી બળજબરીપૂર્વક બળાત્કાર ગુજારવામાં આવ્યો હતો, બળાત્કાર બાદ ત્યાંથી આરોપી અંકિત અને આકાશ ત્યાંથી જતા રહ્યા હતા. અને સગીર આરોપી એ સગીરા ને ત્યાંજ રોકી રાખી સાંજ નું અંધારૂ થતા પોતાના ખેતરે લઈ જઈ જવાયા બાદ ત્યાં પહેલે થીજ હાજર આરોપી યુવકો રવિ માછી, રાહુલ વસાવા, અને રાહુલ સોલંકી દ્વારા સગીરા ને પિંખી નાંખવામાં આવી હતી વારાફરતી બળાત્કાર ગુજાર્યા બાદ સગીરા ને તેના સગાં ના ઘર પાસે છોડી મૂકી આરોપીઓ ફરાર થઈ ગયા હતા.

સગીરા એ પોતાની સાથે ઘટેલી ઘટના ની આપવીતી પોતાના માતા પિતા ને જણાવતા માતા પિતા આ મામલે પોતાની દીકરી ને લઈ પોલીસ ફરિયાદ નોંધાવી હતી, ગેંગરેપ જેવી ગંભીર ઘટના ની જાણ થતાંજ ડેડીયાપાડા પોલીસ હરકત મા આવી હતી અને બળાત્કાર, એટ્રોસિટી અને પોકસો એકટ સહિત ની કલમો હેઠળ ગુનો નોંધ્યો હતો, ગુના ની ગંભીરતા ન3 જોતા નાયબ પોલીસ અધિક્ષક ની સૂચના મુજબ આરોપીઓ ને પકડી પાડવા માટે અલગ અલગ ટિમો બનાવી LCB પો.ઈ એ.એમ પટેલ સહિત ડેડીયાપાડા પી.એસ.આઈ બી.આર પટેલ, સી.પી.આઈ ડેડીયાપાડા દ્વારા સંયુક્ત તપાસ શરૂ કરી આરોપી યુવકો ને અલગ અલગ સ્થળે થી ઝડપી લેવાયા હતા. 6 આરોપી પૈકી 1 આરોપી સગીર વય નો હોવાનું પોલીસ તરફ થી જાણવા મળેલ છે.

▪️બળાત્કાર મા પકડાયેલા આરોપીઓ

1-અંકિત સતીશ તડવી રહે. થાણા ફળિયું ડેડીયાપાડા,

2- આકાશ અશોક વસાવા, રહે.પારસી ટેકરા ડેડીયાપાડા

3- રવિ ઉર્ફે બુશી અતુલ માછી રહે.પારસી ટેકરા ડેડીયાપાડા

4- રાહુલ છગન વસાવા રહે.પારસી ટેકરા ડેડીયાપાડા

5- રાહુલ ઉર્ફે નાનું જયેશ સોલંકી રહે.પારસી ટેકરા ડેડીયાપાડા

6- કાયદા ના સંઘર્ષ મા આવેલો એક સગીર આરોપી