નેત્રંગ સહિત અન્ય તાલુકામાં ઝડપાયેલ દારૂનો નાશ ઝઘડિયા ખાતે કરાયો.

*દુરદર્શી ન્યુઝ તા.૨૩-૧૧-૨૦૨૧ નેત્રંગ,

ભરૂચ જિલ્લાના નેત્રંગ, વાલિયા અને ઝઘડિયા તાલુકાના પાંચ પોલીસ સ્ટેશનો નેત્રંગ, વાલિયા, ઝઘડિયા, રાજપારડી અને ઉમલ્લા પોલીસ સ્ટેશનોમાં છેલ્લા એક વર્ષ દરમિયાન અલગ અલગ એજન્સીઓ દ્વારા રૂપિયા પોણા બે કરોડથી વધુનો દારૂનો જથ્થો ઝડપી પાડવામાં આવ્યો હતો અને તે અંતર્ગત આ પોલીસ સ્ટેશનોમાં છેલ્લા વર્ષમાં અલગ અલગ એજન્સીઓ દ્વારા પ્રોહિબિશન કેસો કરવામાં આવ્યા હતા.
જેમાં નેત્રંગ તાલુકાના લગભગ સતીયોતેર લાખના દારૂનો નાસ કરવામાં આવ્યો.
આ પ્રોહિબિશનના મુદ્દામાલનો નાશ કરવા કોર્ટમાંથી પરવાનગી મેળવવામાં આવી હતી. ત્યારબાદ ઝઘડિયા જીઆઈડીસીમાં અવાવરૂ સ્થળ નક્કી કરી ઉચ્ચ અધિકારીઓની ઉપસ્થિતિમાં રૂપિયા પોણા બે કરોડથી વધુના દારૂ પર રોડ રોલરના તોતિંગ પૈડાં ફેરવી દઈ નાશ કરવામાં આવ્યો હતો.

*દુરદર્શી ન્યુઝ વિજય વસાવા, નેત્રંગ