પ્રતિનિધિ / સતીશ વસાવા / દૂરદર્શી ન્યૂઝ ઝગડીયા
ગ્રામ પંચાયતોની ચૂંટણીને હવે જુજ દિવસો બાકી રહ્યા છે ત્યારે કોણ જીતશે અને કોણ હારશે તેની અટકળો સાથે મતદારોમાં ચર્ચાઓ જામી રહી છે. ઉમેદવારો પણ ધીમેધીમે તેમનો ચુંટણી પ્રચાર વેગીલો બનાવી રહ્યા છે. ચુંટણીમાં ઘણા સ્થળોએ ઘણીવાર એકજ પરિવારના સભ્યો પણ સામસામે ચુંટણીનો જંગ લડતા હોવાની વાતો પણ જાણવા મળે છે. કોઈ જગ્યાએ કાકા ભત્રીજા તો કોઈ જગ્યાએ સાસુ વહુ ચુંટણી જંગમાં સામસામે ટકરાતા હોય છે.
આવોજ એક કિસ્સો ભરૂચ જિલ્લાના ઝઘડિયા તાલુકાના દુમાલા વાઘપુરા ગ્રામ પંચાયતની ચૂંટણીમાં હાલ જોવા મળી રહ્યો છે જ્યાં દુમાલા વાઘપુરા ગામે ગ્રામ પંચાયતની ચુંટણીમાં બે સગી બહેનોએ સામસામે ઉમેદવારી નોંધાવતા ગામમાં કુતૂહલ સર્જાયું છે. જાણવા મળ્યા મુજબ દુ.વાઘપુરા ગ્રામ પંચાયતના એક વોર્ડમાં બે સગી બહેનો સામસામે ચુંટણી મેદાનમાં આવી છે. ત્યારે હવે જોવાનું એ રહ્યું કે ચૂંટણીમાં મતદારો બે પૈકી કઈ બહેનને જીત અપાવે છે. પરિણામ ગમેતે આવે પરંતુ બે સગી બહેનો ચૂંટણી જંગમાં સામસામે ટકરાતા હાલતો સમગ્ર ગામના નાગરીકોની નજર આ વોર્ડ પર કેન્દ્રિત થઇ છે.
More Stories
જૂનાગઢ ભક્તકવિ નરસિંહ મહેતા યુનિ. દ્વારા સ્વાવલંબી ભારત અભિયાન સંયુક્ત ઍક દિવસીય સેમિનાર યોજાયો
જૂનાગઢ ભક્તકવિ નરસિંહ મહેતા યુનિ. દ્વારા પરીક્ષા અનુસ્નાતક કક્ષાએ અભ્યાસ કરતા વિદ્યાર્થીઓની પરીક્ષાનો પ્રારંભ થયો
અમરેલી ટાઉનમાંથી પોલીસ નહી હોવા છતા પોલીસનો યુનિફોર્મ પહેરી ફરતા નકલી પોલીસ એવા આરોપી ઉમેશ રાહુલભાઇ વસાવાને બાતમી આધારે પકડી પાડતી અમરેલી એલ.સી.બી.