પ્રતિનિધિ / સતીશ વસાવા / દૂરદર્શી ન્યૂઝ ઝગડીયા
ભરૂચ જિલ્લાના ઝઘડીયા તાલુકાના વણાકપોર ગામે જુગાર રમતા છ ઇસમોને પોલીસે ઝડપી લીધા હતા.રાજપારડી પોલીસને મળેલ બાતમી મુજબ પોલીસે બાતમી મુજબની જગ્યાએ છાપો માર્યો હતો. વણાકપોર ગામે તળાવની પાછળ ખુલ્લી જગ્યામાં મોબાઇલના અજવાળામાં બેસીને ટોળુ વળીને કેટલાક જુગારીયા પત્તાપાનાનો હારજીતનો જુગાર રમતા દેખાયા હતા.પોલીસે ઘટના સ્થળેથી વિજયભાઇ કાનજીભાઇ વસાવા,રમેશભાઈ રસીયાભાઇ વસાવા,ઝહિરભાઇ નિશારભાઇ સોલંકી,રણજીતભાઇ રતિલાલ વસાવા,સંજયભાઇ સોમાભાઇ વસાવા અને જાવેદભાઇ નિશારભાઇ સોલંકી તમામ રહે.ગામ વણાકપોર તા.ઝઘડીયા જિ.ભરુચનાને જુગાર રમતા ઝડપી લીધા હતા.પોલીસે ઘટના સ્થળેથી મોબાઇલ નંગ ૪ તેમજ રોકડા રુપિયા મળીને કુલ રુ.૨૮૩૪૦ નો મુદ્દામાલ કબજે લીધો હતો.
ટોળુ વળીને જુગાર રમતા ઝડપાયેલા આ ઇસમો વિરુધ્ધ રાજપારડી પોલીસે ગુનો નોંધી કાયદેસર કાર્યવાહી હાથ ધરી હતી.
#DNSNEWS
More Stories
જૂનાગઢ ભક્તકવિ નરસિંહ મહેતા યુનિ. દ્વારા સ્વાવલંબી ભારત અભિયાન સંયુક્ત ઍક દિવસીય સેમિનાર યોજાયો
જૂનાગઢ ભક્તકવિ નરસિંહ મહેતા યુનિ. દ્વારા પરીક્ષા અનુસ્નાતક કક્ષાએ અભ્યાસ કરતા વિદ્યાર્થીઓની પરીક્ષાનો પ્રારંભ થયો
અમરેલી ટાઉનમાંથી પોલીસ નહી હોવા છતા પોલીસનો યુનિફોર્મ પહેરી ફરતા નકલી પોલીસ એવા આરોપી ઉમેશ રાહુલભાઇ વસાવાને બાતમી આધારે પકડી પાડતી અમરેલી એલ.સી.બી.