છેલ્લા ૨૪ કલાકમાં માત્ર ગરૂડેશ્વર તાલુકામાં જ-૦૩ મિ.મિ. વરસાદ નોંધાયોમોસમના કુલ વરસાદમાં દેડીયાપાડા તાલુકો–૧૪૨૦ મિ.મિ.વરસાદ સાથે જિલ્‍લામાં મોખરેનર્મદા જિલ્‍લામાં આજદિન સુધી સરેરાશ કુલ-૧૦૭૨ મિ.મિ વરસાદ નોંધાયો

રાજપીપલા,શુક્રવાર :- નર્મદા જિલ્‍લામાં તા.૦૧ લી ઓકટોબર,૨૦૨૧ ને શુક્રવારના રોજ સવારના ૬=૦૦ કલાકે પુરા થતાં છેલ્લા ૨૪ કલાક દરમિયાન માત્ર ગરૂડેશ્વર તાલુકામાં જ-૦૩ મિ.મિ. વરસાદ નોંધાયો છે. આ સિવાય અન્ય તાલુકાઓમાં વરસાદ બિલકુલ નોંધાયો ન હોવાના અહેવાલ નર્મદા જિલ્‍લા પૂર નિયંત્રણ કક્ષ તરફથી પ્રાપ્‍ત થયાં છે. જિલ્લામાં આજદિન સુધી સરેરાશ કુલ-૧૦૭૨ મિ.મિ. વરસાદ નોંધાયો છે.

જિલ્લામાં ચાલુ વર્ષના મોસમના કુલ વરસાદની આજદિન સુધીની પરિસ્થિતિ જોઇએ તો દેડીયાપાડા તાલુકો-૧૪૨૦ મિ.મિ. વરસાદ સાથે જિલ્લામાં મોખરાનાં સ્થાને રહ્યો છે. જ્યારે તિલકવાડા તાલુકો-૧૧૮૬ મિ.મિ. સાથે દ્વિતિય સ્થાને, નાંદોદ તાલુકો-૧૦૫૬ મિ.મિ સાથે તૃતિય સ્થાને, સાગબારા તાલુકો-૯૧૮ મિ.મિ. સાથે ચોથા સ્થાને અને ગરૂડેશ્વર તાલુકો-૭૮૨ મિ.મિ. વરસાદ સાથે પાંચમા સ્થાને રહેવા પામ્યો છે.

જિલ્લાના વિવિધ ડેમોની સપાટીની પરિસ્થિતિ જોઇએ તો નર્મદા ડેમ તેની ભયજનક સપાટી-૧૩૮.૬૮ મીટરની સામે-૧૨૬.૫૨ મીટર, કરજણ ડેમ તેની ભયજનક સપાટી-૧૧૬.૧૧ મીટરની સામે-૧૧૩.૯૫ મીટર, નાના કાકડીઆંબા ડેમ તેની ભયજનક સપાટી-૧૮૭.૭૮ મીટરની સામે-૧૮૬.૪૦ મીટર અને ચોપડવાવ ડેમ તેની ભયજનક સપાટી-૧૮૭.૪૧ મીટરની સામે-૧૮૬.૫૦ મીટરની સપાટી રહેવા પામી છે, જ્યારે નર્મદા નદીનું ગરૂડેશ્વર પાસેના ગેજ લેવલની ભયજનક સપાટી-૩૧.૦૯ મીટરની સામે ૧૪.૩૦ મીટર હોવાના અહેવાલ નર્મદા જિલ્લા પૂર નિયંત્રણ કક્ષ તરફથી પ્રાપ્ત થયાં છે.
૦૦૦