છેલ્લા ૨૪ કલાકમાં સૌથી વધુ ગરૂડેશ્વર તાલુકામાં-૧૫૮ મિ.મિ. અને સૌથી ઓછો સાગબારા તાલુકામાં-૯૦ મિ.મિ. વરસાદ નોંધાયોમોસમના કુલ વરસાદમાં દેડીયાપાડા તાલુકો–૧૪૦૩ મિ.મિ.વરસાદ સાથે જિલ્‍લામાં મોખરેનર્મદા જિલ્‍લામાં આજદિન સુધી સરેરાશ કુલ ૧૦૫૫ મિ.મિ વરસાદ નોંધાયો

રાજપીપલા,બુધવાર :- નર્મદા જિલ્‍લામાં તા.૨૯ મી સપ્ટેમ્બર, ૨૦૨૧ ને બુધવારના રોજ સવારના ૬=૦૦ કલાકે પુરા થતાં છેલ્લા ૨૪ કલાક દરમિયાન સૌથી વધુ ગરૂડેશ્વર તાલુકામાં-૧૫૮ મિ.મિ. અને સૌથી ઓછો સાગબારા તાલુકામાં-૯૦ મિ.મિ. વરસાદ નોંધાયો છે. જ્યારે દેડીયાપાડા અને તિલકવાડા તાલુકામાં–૧૪૬ મિ.મિ. તેમજ સાગબારા તાલુકામાં-૯૦ મિ.મિ. વરસાદ નોંધાયો હોવાના અહેવાલ નર્મદા જિલ્‍લા પૂર નિયંત્રણ કક્ષ તરફથી પ્રાપ્‍ત થયાં છે. જિલ્લામાં આજદિન સુધી સરેરાશ કુલ-૧૦૫૫ મિ.મિ. વરસાદ નોંધાયો છે.

જિલ્લામાં ચાલુ વર્ષના મોસમના કુલ વરસાદની આજદિન સુધીની પરિસ્થિતિ જોઇએ તો દેડીયાપાડા તાલુકો-૧૪૦૩ મિ.મિ. વરસાદ સાથે જિલ્લામાં મોખરાનાં સ્થાને રહ્યો છે. જ્યારે તિલકવાડા તાલુકો-૧૧૬૬ મિ.મિ. સાથે દ્વિતિય સ્થાને, નાંદોદ તાલુકો-૧૦૨૫ મિ.મિ સાથે તૃતિય સ્થાને, સાગબારા તાલુકો-૯૧૨ મિ.મિ. સાથે ચોથા સ્થાને અને ગરૂડેશ્વર તાલુકો-૭૭૦ મિ.મિ. વરસાદ સાથે પાંચમા સ્થાને રહેવા પામ્યો છે.

જિલ્લાના વિવિધ ડેમોની સપાટીની પરિસ્થિતિ જોઇએ તો નર્મદા ડેમ તેની ભયજનક સપાટી-૧૩૮.૬૮ મીટરની સામે-૧૨૫.૫૨ મીટર, કરજણ ડેમ તેની ભયજનક સપાટી-૧૧૬.૧૧ મીટરની સામે-૧૧૫.૨૮ મીટર, નાના કાકડીઆંબા ડેમ તેની ભયજનક સપાટી-૧૮૭.૭૮ મીટરની સામે-૧૮૫.૬૨ મીટર અને ચોપડવાવ ડેમ તેની ભયજનક સપાટી-૧૮૭.૪૧ મીટરની સામે-૧૮૫.૬૨ મીટરની સપાટી રહેવા પામી છે, જ્યારે નર્મદા નદીનું ગરૂડેશ્વર પાસેના ગેજ લેવલની ભયજનક સપાટી-૩૧.૦૯ મીટરની સામે ૧૪.૧૭ મીટર હોવાના અહેવાલ નર્મદા જિલ્લા પૂર નિયંત્રણ કક્ષ તરફથી પ્રાપ્ત થયાં છે.


૦૦