નેત્રંગ તા.પંચાયતમાં પ્રમખ-ઉપપ્રમુખની વરણી

* પ્રમખ તરીકે વસુધાબેન વસાવા-ઉપપ્રમુખ મિતેશ પરમાર

* બીટીપી-કોંગ્રેસના સભ્યોએ ઉમેદવાર નહીં ઉતાયૉ

તા.૧૩-૦૯-૨૦૨૩ નેત્રંગ.

નેત્રંગ તા.પંચાયતની ચુંટણી સન ૨૦૨૧ માં યોજાઈ હતી.જેમાં ભાજપ ૮,બીટીપી ૫ અને કોંગ્રેસ ૩ તા.પંચાપતની બેઠક ઉપર વિજયી બન્યા હતા.પ્રમુખ-ઉપપ્રમુખની વરણી પ્રક્રિયામાં કોંગ્રેસ-બીટીપીના ૩ સભ્યો ગેરહાજર રહેતા બહુમતિના જોરે નેત્રંગ તા.પંચાયતના પ્રમુખપદે લીલાબેન વસાવા અને ઉપપ્રમુખ તરીકે વંદનભાઇ વસાવાએ સત્તાનું સુકાન સંભાળ્યું હતું.નેત્રંગ તા.પંચાયતના પ્રમુખ-ઉપપ્રમુખની અઢી વષઁની ટમઁ પુર્ણ થતાં નવા પ્રમુખ-ઉપપ્રમુખની વરણી પ્રક્રિયા આગામી દિવસોમાં હાથ ધરવામાં આવનાર છે.નેત્રંગ તા.પંચાયતમાં પ્રમખપદ માટે આદિજાતિ મહિલાની જાહેરાત કરાતાં રાજકારણમાં ગરમાવો આવી ગયો હતો.

નેત્રંગ તા.પંચાયત કાકડકુઇ-૫ બેઠક ઉપરથી બીટીપીમાંથી ચુંટાઇ આવેલા વસુધાબેન વસાવાએ વિધિવત રીતે ભાજપમાં જોડાય ગયા હતા.પ્રમુખ-ઉપપ્રમુખની વરણીમાં ભાજપના સભ્યોમાં ભારે પ્રતિસ્પધૉ જોવા મળી હતી.જેમાં પ્રમુખ તરીકે વસુધાબેન વસાવા,ઉપપ્રમુખ મિતેશ પરમાર,કારોબારી અધ્યક્ષ કમળાબેન વસાવા અને પક્ષના નેતા તરીકે કરૂણાબેન ભાટીયાની વરણી કરવામાં આવી હતી.

*વિજય વસાવા નેત્રંગ*