નર્મદા જિલ્લા જમીન દફતર અધિક્ષકશ્રી, નર્મદા જિલ્લાના ચાર્જમાં હોવાથી રાજપીપલા ખાતે સપ્તાહમાં માસના પહેલા અને ત્રીજા મંગળવારે રૂબરૂ મળી શકશે

રાજપીપલા, ગુરૂવાર:- નર્મદા જિલ્લા જમીન દફતર અધિક્ષકશ્રીની કચેરી ખાતે ફરજ બજાવતાં જિલ્લા જમીન દફતર અધિકારીશ્રી કે.પી.ગામીત કે જેઓને દાહોદ, સુરત, નવસારી, ભરૂચ, તાપી, વલસાડ/ડાંગ જિલ્લા ઉપરાંત નર્મદા જિલ્લાનો ચાર્જ હોવાથી નર્મદા જિલ્લાના ખેડૂત ખાતેદારો તેમજ આમ જનતાંને જમીન દફતર અધિક્ષકશ્રીનું પ્રત્યક્ષ કામ હોય તો સપ્તાહમાં માસના પહેલા અને ત્રીજા મંગળવારે નર્મદા જિલ્લા સેવાસદન, પહેલો માળ, રૂમ નં.૧૩૦, રાજપીપલા, જિ.નર્મદા ખાતે કચેરી સમય દરમિયાન હાજર રહેશે તેમ, જમીન દફતર અધિક્ષકશ્રી, રાજપીપલા-જિ.નર્મદા તરફથી એક અખબારી યાદીમાં જણાવાયું છે.