૧૩ આતંકીઓ ઠાર, સાત પાકિસ્તાની સૈનિકોના મોતપાકિસ્તાનમાં આર્મી કેમ્પ પર હુમલો

(ડી.એન.એસ),પાકિસ્તાન,તા.૦૪
પ્રતિબંધિત બલૂચ લિબરેશન આર્મીએ પંજગુર અને નૌશ્કી જિલ્લામાં બુધવારના હુમલાની જવાબદારી લીધી હતી. પંજગુરમાં, હુમલાખોરોએ બે સ્થળોએથી સુરક્ષા દળોના કેમ્પમાં પ્રવેશવાનો પ્રયાસ કર્યો, જ્યારે નૌશ્કીમાં તેઓએ ફ્રન્ટિયર કોર્પ્સ પોસ્ટમાં ઘૂસવાનો પ્રયાસ કર્યો. પાકિસ્તાની સેનાના નિવેદન અનુસાર, બંને ચોકીઓ પર હુમલાખોરોને ઢેર કર્યા પછી, સુરક્ષા દળોએ વિસ્તારમાં છુપાયેલા આતંકવાદીઓને શોધવા માટે એક ઓપરેશન શરૂ કર્યું. ગૃહમંત્રી શેખ રાશિદ અહેમદે એક વીડિયો મેસેજમાં જણાવ્યું કે નૌશ્કીમાં નવ આતંકવાદીઓ અને ચાર સૈનિકો માર્યા ગયા. તેને આતંકવાદ સામે ‘મોટી સફળતા’ ગણાવતા, તેમણે કહ્યું, ‘પાકિસ્તાની દળોએ બંને જગ્યાએથી આતંકવાદીઓને ખદેડી દીધા છે. પંજગુરમાં સેનાએ ચારથી પાંચ લોકોને ઘેરી લીધા છે અને તેમને માત આપવામાં આવશે.’ વડા પ્રધાન ઈમરાન ખાને ગુરુવારે બલૂચિસ્તાનમાં કેમ્પો પર આતંકવાદી હુમલાને નિષ્ફળ બનાવવા માટે સુરક્ષા દળોને ટિ્‌વટર પર અભિનંદન આપ્યા હતા. અગાઉ, સૈન્યની મીડિયા શાખા, ઇન્ટર-સર્વિસ પબ્લિક રિલેશન્સએ એક નિવેદનમાં જણાવ્યું હતું કે, ‘બંને હુમલાઓનો યોગ્ય જવાબ આપવામાં આવ્યો હતોપ’ ફ્રન્ટિયર કોર્પ્સના પ્રવક્તાએ પંજગુર અને નૌશ્કી ખાતેના કેમ્પની નજીક બે વિસ્ફોટોની પુષ્ટિ કરી હતી, જેના પગલે ભીષણ ગોળીબાર થયો હતો. બલૂચ લિબરેશન આર્મીએ એક નિવેદન જારી કરીને હુમલાની જવાબદારી સ્વીકારી છે. અલગાવવાદી સંગઠને તાજેતરમાં સુરક્ષા દળો અને ચોકીઓ પર હુમલાઓ તેજ કર્યા છે. એક અઠવાડિયા પહેલા પ્રાંતના કેચ જિલ્લામાં સુરક્ષા દળોની ચેકપોસ્ટ પર થયેલા આતંકવાદી હુમલામાં દસ સૈનિકો માર્યા ગયા હતા. ૨૮ જાન્યુઆરીના રોજ ડેરા બુગતીના સુઇ વિસ્તારમાં બોમ્બ વિસ્ફોટોમાં ત્રણ લેવીઝ ફોર્સના જવાનો અને એક બુગતી આદિવાસી નેતા માર્યા ગયા હતા અને આઠ અન્ય ઘાયલ થયા હતા. આ સિવાય ૩૦ જાન્યુઆરીએ જાફરાબાદ જિલ્લાના ડેરા અલ્લાહયાર શહેરમાં ગ્રેનેડ હુમલામાં બે પોલીસકર્મીઓ સહિત ઓછામાં ઓછા ૧૭ લોકો ઘાયલ થયા હતા. બલૂચિસ્તાન ભૂમિ વિસ્તારની દ્રષ્ટિએ પાકિસ્તાનનો સૌથી મોટો પ્રાંત છે. તે મલ્ટિ-બિલિયન-ડોલરના ચાઇના-પાકિસ્તાન ઇકોનોમિક કોરિડોર પ્રોજેક્ટનું ઘર પણ છે.પાકિસ્તાનના અશાંત દક્ષિણ-પશ્ચિમ બલૂચિસ્તાન પ્રાંતમાં સશસ્ત્ર હુમલાખોરોએ સુરક્ષા દળોના બે કેમ્પ પર હુમલા કર્યા બાદ ભીષણ ગોળીબારમાં ઓછામાં ઓછા ૧૩ આતંકવાદીઓ ઠાર થયા હતા. સેનાએ ગુરુવારે કહ્યું હતું કે આ ઘટનામાં સાત સૈનિકોના પણ મોત થયા છે.