વાલિયા:પોલિટેકનિક કોલેજ પાસે આવેલાં કૂવાને પગલે અકસ્માતની ભીત

તા.૨૨-૬-૨૦૨૧ વાલિયા,

વાલિયા ગામની સીમમાં દેસાડ રોડ પર આવેલ પોલિટેકનિક કોલેજ સામે ખાનગી જમીન પર જોખમી કૂવા નજીક ક્રિકેટનું ગ્રાઉન્ડ આવેલું છે. જ્યાં કોલેજના અને વાલિયા ગામના કેટલાક યુવાનો ક્રિકેટ મેચ રમે છે.આ કૂવા નજીક પશુ પાલકો પશુ ચરાવવા માટે આવેલ છે.જે કૂવાની પાળી પણ છેલ્લા ઘણા વર્ષોથી તૂટી ગઈ છે.આથી જમીનના લેવલ ટુ લેવલ આ કૂવો અકસ્માતને આમંત્રણ આપતો નજરે પડી રહ્યો છે. ત્યારે જમીન માલિકની બેદરકારીને પગલે નિર્દોસ લોકો ભોગ બનશે તેવી સંભાવનાઓ સર્જાઇ છે. વાલિયા ગ્રામ પંચાયત દ્વારા તાત્કાલિક આ કૂવો પુરવામાં આવે કે પછી તેના પર જારી લગાવવામાં આવે તેવી લોકો માંગ કરી રહ્યા છે.

રિપોર્ટર :- વિજય વસાવા,નેત્રંગ