બોડેલી તાલુકાના ઢેબરપુરા ગામે પ્રેમિકાનું મોત નિપજાવનાર હત્યારા પ્રેમીને ગણતરીના કલાકોમાં પકડી પાડતી બોડેલી પોલીસ

બોડેલી તાલુકાના ઢેબરપુરા ગામે ત્રણ દિવસ પહેલા ખેતરમાં ખાડો ખોદી દાટી દિધેલ યુવતીનો મૃતદેહ મળી આવતા બોડેલી પોલીસે બનાવ અંગે ની ફરીયાદ નોંધી તપાસ હાથ ધરતા ગણતરીના દિવસોમાં યુવતીનું ગળુ દબાવી મોત નિપજાવી ખેતરમાં ખાડો ખોદી દાટી દેવાયા હત્યારા પ્રેમી ને શોધી કાઢી સમગ્ર બનાવનો ભેદ ઉકેલી હત્યારા પ્રેમીની ધરપકડ કરી જેલ ભેગો કરતી બોડેલી પોલીસ

બોડેલી તાલુકાના ઢેબરપુરા ગામે ત્રણ દિવસ પહેલા બનેલ આ હત્યાનાં બનાવ અંગે બોડેલી પોલીસ સુત્રોના જણાવ્યા મુજબ ઢેબરપુરા ગામે એક કપાસના ખેતરમાં કામગીરી માટે આવેલા એક યુવક ને ખેતરમાં હાડકા કંકાલ જેવું કાંઇક જોવાતા યુવકને શંકા જતા યુવકે બોડેલી પોલીસ મથકે જાણ કરી હતી
સમગ્ર બનાવ ને લઈ છોટાઉદેપુર જિલ્લા ડીવાયએસપી એ.વી કાટકડ, એફએસએલની ટીમ, જિલ્લા એલ.સી.બી, સ્થાનિક પોલીસ સબ ઇન્સ્પેક્ટર એ.એસ સરવૈયા અને સ્થાનિક બોડેલી પોલીસ કર્મીઓ તેમજ બોડેલી મામલતદાર સ્થળ પર પોહચ્યા હતા અને યુવકે બતાવેલ જગ્યાએ ખોદકામ કરતા એક યુવતીનો મૃતદેહ મળી આવતા અધિકારીઓ ચોંકી ઉઠ્યા હતા. બનાવને લઈ સ્થળ પર લોકોના ટોળા ઉમટી પડ્યા હતા પોલીસે લાશને બહાર કાઢી ઓળખ કરાવતા યુવતી ઢેબરપુરા ગામની જ રધુભાઈ તડવીની પુત્રી રેખાબેન હોવાનું જાણવા મળ્યું હતું અને તેના પિતાના જણાવ્યા અનુસાર તે છેલા વીસ દિવસ થી ગુમ હોય અને તેના લગ્ન વડોદરા જિલ્લા ના ડભોઇ તાલુકાના કારવણ ગામના પીયુષભાઇ સાથે થયા હતા આં મૃતદેહનો પોલીસે કબ્જો મેળવી આગળની કાર્યવાહી હાથ ધરી બનાવ અંગે ની પોલીસ દ્વારા ઝીણવટભરી તપાસ શરૂ કરી હતી ત્યારે આજે આ મરણ જનાર યુવતીના નજીકનાં સંખેડા તાલુકાના ફાફટ ગામના અલ્પેશ તડવી ને ઝડપી પાડી તેની ધનિષ્ઠ પુછપરછ કરતા તેણે ગુનો કબુલ કરી સમગ્ર બનાવનું વિગતવાર વર્ણન કરતા આ યુવતી સાથે તેના પ્રેમ સંબંધ હોય અને તેને કારણે જ યવતી તેના સાસરેથી પિયરમાં આવી ગઇ હતી ત્યારે બંને જણા મળતા હોય એક દિવસ પ્રેમી યુવક એ તેણીનીને ભાગી જવાનુ કહ્યુ હતુ પરંતુ આ પરણિત યુવતી એ તેમ ન કરવા કહેતા ત્રણ ચાર દિવસ પહેલા લગભગ સવારે દસ કે અગિયારેક વાગ્યે અલ્પેશે યુવતીને ઢેબરપુરા ગામની સીમમાં એક કપાસનાં ખેતરમાં મળવા ના બહાને બોલાવી પહેલા તેણીની ની સાથે શારિરીક સંબંધ બાંધી ત્યારબાદ તેનું ગળુ દબાવી તેની હત્યા કરી ખાડો ખોદી ખાડામાં દાટી દીધી હતી અને તે પછી અલ્પેશ ફરીથી રાત્રિના સમયે એ જગ્યા એ જઇ લાશને બહાર કાઢી ઉંડો ખાડો ખોદી લાશને ખાડામાં દાટી દઇ ફરાર થઇ ગયો હોવાનું જણાવ્યું હતું આમ યુવતી ની હત્યા કરનાર આરોપીને ગણતરીના કલાકોમાં જ પોલીસે પકડી પાડી મોટી સફળતા પ્રાપ્ત કરી


ઈમરાન મન્સૂરી બોડેલી છોટા ઉદેપુર