તા.૨૮-૧૦-૨૦૨૧
નેત્રંગ ટાઉનના જવાહર બજાર વિસ્તારમાં દીપડો દેખાતા ભય જોવા મળ્યો હતો. રાત્રીના અંધકારમાં શિકારની શોધમાં આ દીપડો ભૂલો પડ્યો હતો.
રાત્રીના અંધકારના સમયે આ દીપડો શિકારની શોધમાં હશે ત્યારે ફરતા ફરતા જવાહર બજાર વિસ્તારમાં આવેલ માતાજી કોમ્પ્લેક્સ ની સામે રહેણાંક વિસ્તારમાં આ દીપડો લટાર મારતો હતો. રાત્રીની સમયે અવર જવર નહિ હોવાથી તે શિકારની જેમકે બકરી કુતરા જેવા કોઈ પણ શિકારની શોધમાં હતો પરંતુ કોઈ શિકાર નહિ મળતા તે આ વિસ્તારમાં ભૂલો પડ્યો હતો. વહેલી સવારે જેમ આ વિસ્તારમાં ચહલ પહલ શરૂ થતાં દીપડો પણ પોતે ગભરાઈ સલામતી માટે રહેણાંક ઘરના છાપરા પર ચડી ગયો હતો.
સ્થાનિકોની નજર આ દીપડા પર પડતા લોકોએ પોતાના સ્માર્ટફોનમાં ફોટા પાડી સોશિયલ મીડિયામાં ફરતા કરી દીધા હતા. જેથી લોકો આ છુટ્ટા દીપડાને જોવા ભેગા થઈ રહ્યા હતા. જેમ જેમ માનવ મહેરામણ એકઠું થવા માંડ્યું તો આ દીપડો પણ જ્યાંથી આવ્યો તો તે રસ્તે પરત ફરી ગયો હતો. આ બાબત ની જાણ વનવિભાગ નેત્રંગ ને પણ કરવામાં આવતા તેઓ ઘટનાસ્થળે દોડી આવ્યા હતા. સદનસીબે આ દીપડાએ આ લોકટોળા ઉપર કોઈ પણ જાતનો હુમલો કર્યો ન હતો. વનવિભાગ નેત્રંગ દ્વારા દીપડાને પિંજરે પુરવા મારણ સાથે પીંજરું તેમજ ટ્રેક કેમેરા લગાવવામાં આવશે તેમ આર.એફ.ઓ એસ.યુ.ઘાંચી એ જણાવ્યું હતું.
રિપોર્ટર :- વિજય વસાવા,નેત્રંગ
More Stories
જૂનાગઢ ના બાંટવા . વિસ્તારમાં બનેલ લુંટના બનાવની હકિકતનો પર્દાફાશ કરી લુંટના બનાવમાં ગયેલ તમામ મુદામાલ ભોગબનનારને પરત અપાવતી જૂનાગઢ, કાઈમ બ્રાન્ચ
*મુખ્યમંત્રી શ્રી ભૂપેન્દ્રભાઈ પટેલે અમરેલી જિલ્લાના સુવિધાસભર અને સ્માર્ટ ગામ દેવરાજીયાની લીધી મુલાકાત; ગામમાં પીવાના શુદ્ધ પાણી માટેના RO પ્લાન્ટ સહિતની પ્રજા કેન્દ્રિત સુવિધાઓની સરાહના કરી…*
જુનાગઢ સાંકળીધાર હાઇવે ચેક પોસ્ટ પાસેથી નશીલા પદાર્થ મેફેડ્રોન (MD) ડ્રગ્સના જથ્થા સાથે એક ઇસમને પકડી પાડતી જૂનાગઢ એસ.ઓ.જી.