સાગબારાની આઇ.ટી.આઇ ખાતે ચોથા તબક્કાના પ્રવેશ ફોર્મ તા.૨૬ મી ઓક્ટોબર સુધી ભરી શકાશે

રાજપીપલા,મંગળવાર:- સાગબારાની ઔદ્યોગિક તાલીમ સંસ્થા (આઇ.ટી.આઇ) ખાતે પ્રવેશ-૨૦૨૧ માટેના ચોથા રાઉન્ડની પ્રવેશ કાર્યવાહીનો કાર્યક્રમ જાહેર કરાયો છે. જેમાં તા.૧૧/૧૦/૨૦૨૧ ને સોમવાર થી પ્રવેશ ફોર્મ ભરવાનું શરૂ કરાયેલ છે. તા.૨૬/૧૦/૨૦૨૧ ના સાંજના ૬:૦૦ કલાક સુધી આઇ.ટી.આઇ. ખાતે પ્રવેશફોર્મ રજિસ્ટર કરાવી શકાશે. તા.૨૭/૧૦/૨૦૨૧ ના રોજ સંસ્થા ખાતે મેરીટ લીસ્ટ પ્રસિધ્ધ થશે. આ ઉપરાંત તા.૨૮/૧૦/૨૦૨૧ થી તા.૩૦/૧૦/૨૦૨૧ સુધી સંસ્થા ખાતે રૂબરૂ મુલાકાત તેમજ પ્રવેશ આપવા અંગેની કાર્યવાહી હાથ ધરાશે. વધુ માહિતી માટે સાગબારા આઇ.ટી.આઇ.ની મુલાકાત લઇ શકાશે. તેમ સાગબારાની ઔદ્યોગિક તાલીમ સંસ્થાના આચાર્યશ્રી તરફથી એક અખબારી યાદીમાં જણાવાયું છે.
૦૦૦૦