ચોરી ની બે બાઈક અને મુદ્દામાલ સાથે બે ચોરોને ઝડપી પાડતી ઝગડીયા પોલીસ

પ્રતિનિધિ / સતીશ વસાવા દૂરદર્શી ન્યૂઝ ઝગડીયા

ઝઘડીયા ખાતે ચોરીની બે બાઈકો ભંગારમાં વેચીને તેના સ્પેરપાર્ટસ છુટા પાડીને ચેસીસના ટુકડા કરતા ઇસમોને ઝઘડીયા પોલીસે પકડી પાડયા હતા.. વિગત અનુસાર ઝઘડીયા હાઇસ્કુલની પાછળ ટેકરા ફળિયા‌ ખાતે રહેતા હાલ અંકલેશ્વર ખાતે રહેતા ભાવિન નિખિલચંદ્ર શાહ ગત તા.૧ લીના રોજ તેઓએ તેમની બે બાઇક જેની કુલ કિંમત રુ.૩૫૦૦૦ ની, જેમાં ટીવીએસ સુઝુકી કંપનીની અને ટીવીએસ સ્ટાર એમ બે મોટરસાયકલો પોતાના ઘરની બાજુમાં આવેલ કાકાના‌ ઘર ના આગળના ભાગે આવેલ કમ્પાઉન્ડમાં મુકી હતી. આ બન્ને બાઇકો તેમની જગ્યાએ નહિ જણાતા તેમણે આજુબાજુમાં શોધખોળ કરવા છતા મળેલ નહિ,જેથી બાઇકોની ચોરી થઇ હોવાની ખાતરી થઇ હતી. ઝઘડીયા પોલીસને બાતમી મળી હતીકે આ બન્ને બાઈક ભંગારમાં વેચવા તેના સ્પેરપાર્ટસ છુટા પાડીને વેચાણ કરવામાં આવનાર છે. પોલીસે આ બાબતે તપાસ કરતા બે ઇસમોને ઝડપી લીધા હતા. ઝઘડીયાના મોહનફળિયામાં રહેતો શંકર બેચરભાઇ વસાવા નામનો ઇસમ પાર્ક કરેલ બન્ને બાઇકોની ઉઠાંતરી કરીને ઝઘડીયા ખાતે ઉદયલાલ અંબાલાલ સુયલ નામના ઇસમની ભંગારની દુકાને વેચાણ માટે લઇ ગયો હતો.આ બન્ને બાઇકોના સ્પેરપાર્ટસ છુટા પાડીને ચેચિસ કાપી ટુકડા કરીને ભંગારમાં વેચી દીધેલ હતી. ઝઘડીયા પોલીસે આ બાબતે ભાવિન નિખિલચંદ્ર શાહની ફરિયાદ મુજબ શંકરભાઇ બેચરભાઇ વસાવા તેમજ ઉદયલાલ અંબાલાલ સુયલ બન્ને રહે.ઝઘડીયાનાની ધરપકડ કરીને તપાસ હાથ ધરી હતી.