વાલિયા તાલુકાના ઝોકલા ગામના ઝરા ફળિયામાં અગાઉના ઝઘડાની રીસ રાખી ત્રણ ઈસમોએ માતા-પુત્રને માર મારતા પોલીસ ફરિયાદ નોંધાઈ

વાલિયા તાલુકાના ઝોકલા ગામના ઝરા ફળિયામાં રહેતી જશવંતીબેન નરેન્દ્ર વસાવા ગતરોજ પોતાના ઘરે હતા તે દરમિયાન તેઓનો પુત્ર રોહન વસાવા ઘરની પાસે પાણીના હોજ ઉપર બેઠો હતો તે વેળા ગામનો કિરણ રાજેશ વસાવા ત્યાં આવ્યો હતો અને અગાઉ લગ્નમાં નાચવા બાબતે થયેલ ઝઘડાની રીસ રાખી તું ગામનો દડો થઇ ગયો છે તેમ કહી માથાકૂટ કરી હતી અને ઝઘડો કર્યો હતો આ ઝઘડાનું ઉપરાણું લઇ સુરેશ રામુ વસાવા અને જીગ્નેશ રાજેશ વસાવા પણ ત્યાં દોડી આવ્યા હતા અને આવેશમાં આવી ગયેલ ત્રણેય ઈસમોએ પથ્થર તેમજ લોખંડની પાઈપ વડે રોહન વસાવા અને તેને બચાવવા વચ્ચે પડેલ તેની માતાને માર માર્યો હતો આ મારામારીમાં ઈજાઓ થતા માતા-પુત્રને સારવાર માટે ૧૦૮ સેવાની મદદ વડે વાલિયા આરોગ્ય કેન્દ્ર ખાતે ખસેડવામાં આવ્યા હતા મારામારી અંગે વાલિયા પોલીસે ત્રણ ઈસમો વિરુદ્ધ ગુનો નોંધી તપાસ હાથ ધરી છે.