તમે જે પ્રેમ અને આશીર્વાદ આપ્યા છે, હું વ્યાજ સાથે પરત કરીશ ઃ વડાપ્રધાનકર્ણાટક ચૂંટણી પ્રચારમાં છેલ્લો દિવસે વડાપ્રધાને બેંગલુરુમાં કર્યો રોડ શો, જે બાદ તેમણે શિવમોગા ગ્રામીણ ખાતે જાહેર સભાને સંબોધી

(ડી.એન.એસ),બેંગ્લુરૂ,તા.૦૭
કર્ણાટક ચૂંટણી પ્રચારમાં પીએમ મોદીના પ્રચારનો આજે છેલ્લો દિવસે વડાપ્રધાન નરેન્દ્ર મોદીએ સવારે બેંગલુરુમાં રોડ શો કર્યો. જે બાદ બપોરે તેમણે શિવમોગા ગ્રામીણ ખાતે જાહેર સભાને સંબોધી હતી. અહીં તેમને મળેલા પ્રેમ માટે જનતાનો આભાર માનતા પીએમએ કહ્યું- તમે મને જે આશીર્વાદ આપ્યા છે. હું કર્ણાટકનો વિકાસ કરીશ અને તમને વ્યાજ સાથે પરત કરીશ. કોંગ્રેસ વતી સોનિયા ગાંધીને ચૂંટણી પ્રચારમાં ઉતારવા પર વડાપ્રધાને કહ્યું- કોંગ્રેસ એટલી ડરી ગઈ છે, નર્વસ છે કે જેઓ પ્રચાર નથી કરી રહ્યા તેમને પણ પ્રચાર માટે લાવવું પડે છે. તેઓ પહેલેથી જ હાર માટે એકબીજા પર દોષારોપણ કરવામાં વ્યસ્ત છે. વડાપ્રધાન નરેન્દ્ર મોદીએ રવિવારે સવારે ૮ કિલોમીટરનો રોડ શો કર્યો હતો. પીએમ મોદીના રોડ શોમાં હનુમાનના પોશાક પહેરેલા એક વ્યક્તિએ હાજરી આપી હતી. શિવમોગામાં પણ પીએમએ બજરંગ બલીનું અભિવાદન કર્યું. આ પહેલા શનિવારે પીએમએ બેંગલુરુમાં ૨૬ કિલોમીટર લાંબો રોડ શો કર્યો હતો. દિવસના અંતે,વડાપ્રધાને સાંજે નંજનગુડમાં શ્રી શ્રીકાંતેશ્વરા સ્વામી મંદિરમાં પ્રાર્થના કરી હતી અને ચૂંટણી પ્રચારનું સમાપન કર્યું હતું. શિવમોગામાં પીએમએ ફરી એકવાર કોંગ્રેસની તુષ્ટિકરણની રાજનીતિનો જવાબ આપ્યો અને કહ્યું કે ભાજપ સરકાર આપણી પ્રાચીન સંસ્કૃતિ અને વારસાને નવી પેઢી સુધી લઈ જવા માટે નિષ્ઠાપૂર્વક કામ કરી રહી છે. પરંતુ કોંગ્રેસ સરકારોએ તેમાં પણ તુષ્ટિકરણની રાજનીતિ કરી. કોંગ્રેસે કાં તો આપણી આસ્થા અને આધ્યાત્મિકતાના દરેક પ્રતિકને જર્જરીત હાલતમાં છોડી દીધા અથવા તો વિવાદોમાં રહેવા દીધા. કર્ણાટક ચૂંટણીમાં મતદાનની તારીખ નજીક આવતા જ લિંગાયત સમુદાય સક્રિય થઈ ગયો છે. વીરશૈવ લિંગાયત ફોરમે ૧૦ મેના રોજ યોજાનારી કર્ણાટક વિધાનસભા ચૂંટણીમાં કોંગ્રેસને સમર્થન આપવાનું વચન આપતો સત્તાવાર પત્ર બહાર પાડ્યો હતો. ફોરમે લિંગાયત સમુદાયના લોકોને કોંગ્રેસને મત આપવા જણાવ્યું છે. કર્ણાટક ચૂંટણીમાં લિંગાયત સમુદાય હંમેશા મહત્વની ભૂમિકા ભજવે છે. જાે કે, લિંગાયતો પરંપરાગત રીતે ભાજપ સાથે છે. પરંતુ આ વખતે ઉત્તર કર્ણાટકમાં બે લિંગાયત મઠ, જે ૨૦૧૮માં ભાજપને સત્તામાં લાવવામાં મહત્ત્વપૂર્ણ હતા. આ સમય ભાજપ માટે ખુલ્લેઆમ સામે આવ્યો નથી. તેનું કારણ એ છે કે પૂર્વ મુખ્યમંત્રી જગદીશ શેટ્ટર, પૂર્વ ડેપ્યુટી સીએમ લક્ષ્મણ સહિત ભાજપના ઘણા ટોચના નેતાઓ છે. તેઓ કોંગ્રેસમાં જાેડાયા. આવી સ્થિતિમાં આ મઠોની સામે મૂંઝવણની સ્થિતિ છે. કર્ણાટકમાં ૧૦ મેના રોજ મતદાન થશે અને મતગણતરી ૧૩ મેના રોજ થશે. કર્ણાટકમાં સીધો મુકાબલો ભાજપ અને કોંગ્રેસ વચ્ચે છે. નાના પક્ષોએ ત્રીજા દળ જેડીએસની ચિંતા વધારી દીધી છે. આ પાર્ટીઓ આ ત્રણેય પાર્ટીઓના ચૂંટણી પ્રચારને ખૂબ પ્રભાવિત કરી રહી છે. રાહુલે હુબલી ઉપરાંત બેલગાવીમાં પણ જાહેર સભાઓને સંબોધી હતી. તેમણે કહ્યું કે પીએમ મોદી કોંગ્રેસ પર આતંકવાદીઓને સમર્થન કરવાનો આરોપ લગાવે છે. પરંતુ હું તેના કરતા આતંકવાદને સારી રીતે સમજું છું. આતંકવાદીઓએ મારા પરિવારના સભ્યોની હત્યા કરી, મારી દાદીની હત્યા કરી, મારા પિતાની હત્યા કરી. હું પીએમ કરતાં વધુ સારી રીતે સમજું છું કે આતંકવાદ શું છે અને તે શું કરે છે. રાહુલ અહીં એક ડિલિવરી બોયની સ્કૂટી પર બેસીને બે કિલોમીટર દૂર આવેલી તેની હોટેલમાં ગયો હતો. એ યાદ રહે કે રાહુલ ગાંધીએ આજે અનેકલમાં પુલકેશીનગરમાં અને શિવાજીનગરમાં જાહેરસભાઓને સંબોધન કર્યું હતું.જયારે કોંગ્રેસના મહામંત્રી પ્રિયંકા ગાંધીએ આજે મુદાબિર્દી બેંગ્લુરૂ સાઉથ અને શિવાજીનગરમાં રેલીઓ કરી હતી.જયારે મહાદેવપુરા અને બેંગ્લુરૂ સાઉથમાં રોડ શો પણ કર્યો હતો. પ્રિયંકા ગાંધીએ મતદારોને કોંગ્રેસને મત આપવાની અપીલ કરતા જણાવ્યું હતું કે જે રીતે મારા દાદી ઇન્દિરા ગાંધીને કર્ણાટકની જનતાએ સમર્થન આપ્યું છે તેવી જ રીતે અહીંની જનતા કોંગ્રેસને સમર્થન આપે તેમણે ભાજપ અને મોદી સરકારની ટીકા કરતા જણાવ્યું હતું કે દેશમાં ભયનું વાતાવરણ ફેલાવાઇ રહ્યું છે મોદી સરકાર માત્રને માત્ર ઉદ્યોગતિઓ માટે કામ કરી રહી છે અને તેમના લાભ માટે દેશની સંપત્તિઓ વેચી રહ્યાં છે.દેશમાં ભ્રષ્ટ્રાચાર વધી ગયો છે દેશની સરહદો સુરક્ષીત રહી નથી આતંકવાદીઓ આપણા જવાનોની ગોળીઓ મારી રહ્યાં છે છતાં મોદી સરકાર ચુપ છે.