ભરૂચઃમંગળવારઃ- બકરી ઇદના તહેવારની ઉજવણી તા.૨૧/૦૭/૨૦૨૧ અને તા.૨૨/૦૭/૨૦૨૧ ના રોજ થશે અને તહેવારના દિવસોમાં કતલખાનામાં બહાર કોઇ પણ જાહેર કે ખાનગી સ્થળે જુદા જુદા પશુઓની કતલને કારણે તેમજ જાહેર શેરીઓમાં કે સ્થળ પર દેખાય તે રીતે અન્ય કોઇ પણ પશુની કતલને કારણે સુલેહ શાંતિનો ભંગ થવા સંભવ છે અને ફોજદારી કાર્યરીતિ અધિનિયમ-૧૭૩ ની કલમ-૧૪૪ મુજબ પગલા લેવા માટે પુરતુ કારણ તેમજ સુલેહશાંતિનો ભંગ થતાં તાત્કાલિક અટકાવવું ઈચ્છનીય છે.
જેથી અધિક જિલ્લા મેજીસ્ટ્રેટશ્રી જે.ડી.પટેલે એક જાહેરનામા ધ્વારા ભરૂચ જિલ્લાની હદની અંદર કોઇ પણ વ્યક્તિએ તા.૨૧/૦૭/૨૦૨૧ થી તા.૨૨/૦૭/૨૦૨૧ સુધી(બન્ને દિવસ સહિત) કતલખાનાની મકાનની બહાર કોઇ પણ જાહેર કે ખાનગી સ્થળે જુદા જુદા પશુઓની કતલ કરવી નહી તેમજ ભરૂચ જિલ્લાની હદમાં જાહેર સ્થળોમાં દેખાય તે રીતે અન્ય કોઇ પણ પશુની કતલ કરવી નહી. કોઈ પણ વ્યક્તિએ કોઈ પણ પશુની જાહેર કે ખાનગી જગ્યામાં, શેરીઓમાં કે મોહ્લ્લામાં વિગેરે જગ્યાએ જાહેરજનતાને દેખાય તે રીતે કતલ કરવી નહી તેમજ કોઈ પણ પ્રાણી શણગારીને એકલા અગર સરઘસ આકારે જાહેરમાં લઈ જવા કે ફેરવવા નહી. બકરી ઈદ તહેવાર નિમિત્તે કુરબાની પછી જાનવરના માંસ, હાડકા કે અવશેષો જાહેરમાં ફેંકવા નહી. કોવિડ-૧૯ ની મહામારી ચાલતી હોઈ તમામ વ્યક્તિઓએ ફરજિયાત માસ્ક પહેરવાનું રહેશે તથા સોશિયલ ડીસ્ટન્સ જાળવવાનું રહેશે. જાહેર જગ્યામાં કોઈ પણ વ્યક્તિએ થુંકવું નહી. ભારત સરકર તથા ગુજરાત સરકારના કોવિડ-૧૯ ને અટકાવવા માટેના વખતો વખતના હુકમોથી આપવામાં આવેલ આદેશો તથા માર્ગદર્શક સૂચનાઓનું તમામ એ ચુસ્તપણે અમલ કરવાનો રહેશે.
ધી બોમ્બે એનીમલ પ્રિઝર્વેશન એક્ટ ૧૯૫૪ તથા પ્રિવેન્શન ઓફ ફ્રૂઅલ્ટી ટુ એનિમલ એક્ટ-૧૯૬૦ થી જે પશુઓની કતલ પર પ્રતિબંધ મુકેલ છે. તે પશુઓની કતલ ખાનગી કે જાહેર સ્થળોએ થઇ શકશે નહી.
આ જાહેરનામાના કોઈપણ ખંડનો ભંગ કરનાર વ્યક્તિ ભારતીય દંડ સંહિતાની કલમ-૧૮૮ તથા નેશનલ ડીઝાસ્ટર મેનેજમેન્ટ એક્ટની કલમ-૫૧ થી ૫૮ ની જોગવાઈ તથા ધી એપેડેમિક ડીઝીસ રેગ્યુલેશન – ૨૦૨૦ મુજબ શિક્ષાને પાત્ર થશે ભરૂચ જિલ્લામાં ફરજ બજાવતાં નાયબ પોલીસ અધિક્ષકશ્રી થી હેડ કોન્સ્ટેબલ સુધીનો હોદ્દો ધરાવતાં તમામ અધિકારીશ્રીઓને આ જાહેરનામાનો ભંગ કરનાર ઈસમો વિરૂધ્ધ ફરિયાદ દાખલ કરવા અધિકૃત કરવામાં આવે છે એમ અધિક જિલ્લા મેજીસ્ટ્રેટ ભરૂચે એક અખબારી યાદીમાં જણાવ્યું છે.
More Stories
જૂનાગઢ માં રૂ. ૫,૦૦૦/- ની કિંમતના સામાનનો થેલો ખોવાતા નેત્રમ શાખા પોલીસ દ્રારા ગણતરીની ક્લાકોમાં શોધને અરજદારને પરત કર્યો
જુનાગઢ ગંડાગર રોડ મહાનગર પાલીકા હસ્તકના ડો.બાબા સાહેબ આંબેડકર કોમ્યુનીટી હોલમા ચોરી કરનારા આરોપીને જુનાગઢ પોલીસે પકડી પડ્યા
બોડેલીમાં ગણેશજીની સ્થાપના માટે જતા ડી.જે સાથે ગયેલા કિશોરને કરંટ લાગતા મોત,