નેત્રંગ તાલુકા કરાર આઉટ સોર્સિંગ રોજમદાર મહાસંઘના કર્મીઓની વિવિધ પડતર માંગણીઓ નહિ સંતોષતા આજથી અચોક્કસ મુદ્દતની હડતાળ ઉપર ,કામગીરી ઠપ્પ થતા અરજદારોને અટવવાનો વારો આવ્યો છે.

જીલ્લા કરાર આઉટ સોર્સિંગ રોજમદાર તરીકે ફરજ બજાવતા કર્મચારીઓએ વિવિધ માંગણીઓ મુદ્દે આગાઉ જીલ્લાની વિવિધ મામલતદાર કચેરી ખાતે સમાન કામ સમાન વેતન,વર્ષોથી સેવા બજાવતા કોન્ટ્રકટ આધારિત કામદારોને કાયમી કરવા સહિતના પડતર પ્રશ્નનું તાત્કાલિક ધોરણે નિરાકરણ કરવા રજૂઆત કરવામાં આવી હતી પરંતુ સરકાર દ્વારા આજદિન સુધી કોઈપણ જાતના પગલા નહિ ભરવામાં આવતા આજથી નેત્રંગ તાલુકા કરાર આઉટ સોર્સિંગ રોજમદાર મહાસંઘના કર્મીઓ મામલતદાર કચેરી ખાતે એકઠા થયા હતા અને ભારે સુત્રોચ્ચાર વિરોધ નોંધાવ્યો હતો અને અચોક્કસ મુદ્દતની હડતાળ ઉતરી પડ્યા હતા કર્મચારીઓ અચોક્કસ મુદ્દતની હડતાળ ઉપર ઉતરતા આવક જાતિના દાખલા સહિતની કામગીરી ઠપ્પ થતા જ અરજદારો અટવાઈ પડ્યા હતા ત્યારે સરકાર દ્વારા કર્મચારીઓની માંગણીઓ સ્વીકારવામાં આવે તેવી માંગ કરવામાં આવી છે.

*દૂરદર્શી ન્યૂઝ વિજય વસાવા નેત્રંગ*