ઝઘડિયા તાલુકાના તવડી ગામના યુવાનનો ગળેફાંસો ખાધેલી હાલતમાં ઝાડ ઉપરથી લટકતો મૃતદેહ મળી આવ્યો..

ઉમલ્લા પોલીસ મથકેથી મળતી માહિતી મુજબ ઝઘડીયા તાલુકાના તવડી ગામના ચોવીસ વર્ષીય યુવાન અમિતકુમાર શાંતિલાલ વસાવા ગત તારીખ ૦૬/૦૯/૨૦૨૧ ના રોજ કોઈને કઈ કીધા વિના ઘરેથી નીકળી ગયો હતો આ યુવાન ગુમ થયો હોવાની જાણવા જોગ ફરિયાદ ઉમલ્લા પોલીસ મથકે લખાઈ હતી, પોલીસ દ્વારા તેની શોધખોળ હાથ ધરતા કોઈ પત્તો લાગ્યો ન હતો

ઉમલ્લા પોલીસને આજરોજ માહિતી મળી હતી કે ઝઘડિયા તાલુકાના તવડી ગામની સિમમાં પીપળાના ઝાડ ઉપર કમરના પટ્ટા વડે ગળેફાંસો ખાઇ લટકતો એક યુવાન નો જર્જરિત હાલતમાં મૃતદેહ મળી આવ્યો છે, ઉમલ્લા પોલીસે તપાસ કરતાં આ મૃતદેહ તવડી ગામના ગુમ થયેલ યુવાન અમિતકુમાર શાંતિલાલ વસાવાનો હોવાનુ માલુમ થયુ હતુ , પોલીસે યુવાનના મૃતદેહનો કબ્જો મેળવી ઉમલ્લા સામુહિક આરોગ્ય કેન્દ્ર ખાતે પોસ્ટમોર્ટમ અર્થે મોકલી આપ્યુ હતુ,ગુમ થયેલા તવડી ગામના યુવાનનો સાત દિવસ બાદ ઝાડ પર ગળે ફાંસો ખાઈ લટકતી હાલતમાં મૃતદેહ મળી આવતાં આ યુવાને આત્મહત્યા કરી છે કે પછી તેની હત્યા કરવામાં આવી છે એ તપાસનો વિષય બન્યો છે, યુવાનના મૃત્યુથી પરિવારજનોમાં તેમજ ગામમાં શોકનું મોજું ફરી વળ્યું છે ઉમલ્લા પોલીસે આ યુવાને આત્મહત્યા કરી છે કે પછી તેની હત્યા થઈ છે એ દિશામાં વધુ તપાસ હાથ ધરી છે.

રિપોર્ટર:-કાદર ખત્રી