જિલ્લા વિકાસ અધિકારી શ્રી મિરાંત પરીખે રાખી મેળાને ખુલ્લો મુક્યો
જૂનાગઢવાસીઓ રાખડીઓ સહિતની કલાત્મક વસ્તુઓ ખરીદી કરી ગ્રામીણ બહેનોને પ્રોત્સાહિત કરે: જિલ્લા વિકાસ અધિકારી શ્રી ભાઈ-બહેનોનો પવિત્ર તહેવાર રક્ષાબંધન નજીક આવી રહ્યો છે, ત્યારે જિલ્લા ગ્રામ વિકાસ એજન્સી દ્વારા રાખી મેળા-૨૦૨૩નું આયોજન કરવામાં આવ્યું છે. આ સાત દિવસીય મેળાને જિલ્લા વિકાસ અધિકારી શ્રી મિરાંત પરીખે ખુલ્લો મુક્યો હતો.
જૂનાગઢ શહેરના આઝાદ ચોક ખાતે રેડક્રોસ સંસ્થાના પ્રાંગણમાં આયોજિત આ મેળામાં ૧૦ જેટલા સ્વ સહાય જૂથ એટલે કે, સખી મંડળના બહેનો દ્વારા રાખડી ઉપરાંત હેન્ડીક્રાફ્ટ, હેન્ડલુમ, ગૌ આધારિત ચીજ વસ્તુઓ, ઈમિટેશન વગેરે કલાત્મક વસ્તુઓનું તા.૨૨-૮-૨૦૨૩ થી તા.૨૮-૮-૨૦૨૩ સુધી વેચાણ કરવામાં આવશે.
આ પ્રસંગે જિલ્લા વિકાસ અધિકારી શ્રી મિરાંત પરીખે જણાવ્યું કે, આ રાખી મેળાના માધ્યમથી બહેનોને માર્કેટિંગ માટેનું એક પ્લેટફોર્મ મળી રહે અને સાથો સાથ વચેટીયા વગર સીધુ જ ગ્રાહકોને વેચાણ કરી શકે છે. આમ, ગ્રામીણ બહેનો આર્થિક રીતે પગભર બને ઉપરાંત તેમને પ્રોત્સાહન પણ મળી રહે તેવા આશય સાથે આ મેળો યોજવામાં આવે છે. આ સાથે તેમણે જૂનાગઢવાસીઓને રાખડી સહિતની કલાત્મક વસ્તુની ખરીદી કરી, આ ગ્રામીણ બહેનોને પ્રોત્સાહિત કરવા માટે અનુરોધ પણ કર્યો હતો.
જિલ્લા વિકાસ અધિકારી શ્રી મિરાંત પરીખ અને જિલ્લા ગ્રામ વિકાસ એજન્સીના નિયામક તથા ઈન્ચાર્જ નિવાસી અધિક કલેકટર શ્રી પી.જી. પટેલે સખીમંડળના બહેનોના સ્ટોલસની મુલાકાત કરી, તેમની જુદી-જુદી બનાવટોથી પરિચિત થયા હતા અને આ બહેનોને પ્રોત્સાહિત કર્યા હતા.
આ રાખી મેળાને સફળ બનાવવા માટે ઈન્ચાર્જ ડી.એલ. એમ. શ્રી વિપુલ અગ્રાવત, એ.પી.એમ. શ્રી રાજેશ ડાભી સહિત એનઆરએલએમની ટીમે જરૂરી વ્યવસ્થાઓના સંકલન સાથે જહેમત ઉઠાવી રહી છે.
મહેશ કથિરીયા
બ્યુરો ચીફ જૂનાગઢ
દૂરદર્શી ન્યુઝ
More Stories
જૂનાગઢ માં રૂ. ૫,૦૦૦/- ની કિંમતના સામાનનો થેલો ખોવાતા નેત્રમ શાખા પોલીસ દ્રારા ગણતરીની ક્લાકોમાં શોધને અરજદારને પરત કર્યો
જુનાગઢ ગંડાગર રોડ મહાનગર પાલીકા હસ્તકના ડો.બાબા સાહેબ આંબેડકર કોમ્યુનીટી હોલમા ચોરી કરનારા આરોપીને જુનાગઢ પોલીસે પકડી પડ્યા
બોડેલીમાં ગણેશજીની સ્થાપના માટે જતા ડી.જે સાથે ગયેલા કિશોરને કરંટ લાગતા મોત,