નોવેલ કોરોના વાયરસ (COVID-19)નર્મદા જિલ્લામાં તા.૨૩ મી જુલાઇના રોજ RTPCR ટેસ્ટમાં વધુ ૦૧ પોઝિટિવ કેસ નોંધાયો

————–
રાજપીપલાની કોવિડ હોસ્પિટલ ખાતે આજની સ્થિતિએ કુલ-૦૨ દરદીઓ સારવાર હેઠળ
————–
જિલ્લામાં આરોગ્ય ટૂકડીઓ દ્વારા આજે ૧૭,૫૭૭ વ્યક્તિઓનું કરાયેલું ડોર-ટુ-ડોર
સર્વેક્ષણ : ૧૪ જેટલાં જરૂરીયાત વાળા દરદીઓને અપાયેલી સારવાર
————–
રાજપીપલા,શુક્રવાર:- COVID-19 મહામારીને અનુલક્ષીને નર્મદા જિલ્લા પંચાયતના આરોગ્ય વિભાગના એપીડેમીક મેડિકલ ઓફિસરશ્રી ડૉ. આર.એસ.કશ્યપ તરફથી આજે તા.૨૩ મી જુલાઇ,૨૦૨૧ ના રોજ સાંજે ૫:૩૦ કલાકે પ્રાપ્ત થયેલી જાણકારી મુજબ કોરોના વાયરસના જિલ્લામાં આજે RTPCR ટેસ્ટમાં વધુ ૦૧ પોઝિટિવ કેસ નોંધાયો છે. રાજપીપલાની કોવિડ હોસ્પિટલ ખાતે આજની સ્થિતિએ કુલ-૦૨ દરદીઓ સારવાર હેઠળ છે.
આજે RTPCR ટેસ્ટમાં ૩૮૬ અને એન્ટીજન (રેપિડ) ટેસ્ટમાં ૩૩૭ સહિત કુલ-૭૨૩ ટેસ્ટ સેમ્પલ ચકાસણી માટે એકત્ર કરાયેલ છે.

પ્રાપ્ત થયેલ અહેવાલ મુજબ નર્મદા જિલ્લામાં આજે તા.૨૩ મી જુલાઇ,૨૦૨૧ ના રોજ આરોગ્ય ટૂકડીઓ દ્વારા કુલ-૧૭,૫૭૭ વ્યક્તિઓનું ડોર-ટુ-ડોર સર્વે કરવામાં આવ્યું છે, જેમાં શરદી-ખાંસી,તાવ, ઝાડાના દરદીઓ સહિત કુલ-૧૪ જેટલા દરદીઓ ઉકત ચકાસણી દરમિયાન મળી આવતાં આ દરદીઓને જરૂરી સારવાર પુરી પાડવામાં આવી છે. તેની સાથોસાથ આયુર્વેદિક ઉકાળાનો આજદિન સુધી ૧૦૨૧૦૩૭ લોકોએ લાભ લીધો હતો અને હોમિયોપેથી રક્ષણાત્મક ઉપાય તરીકે આર્સેનિક આલ્બમ-૩૦ પોટેન્સી ગોળી ૯૦૬૫૬૪૦ લોકોને વિતરણ કરાઇ છે.