માનનીય વડાપ્રધાન શ્રી નરેન્દ્રભાઈ મોદીની અધ્યક્ષતામાં આજે આંતરરાષ્ટ્રીય મહિલા દિવસ નિમિત્તે નવસારી જિલ્લાના વાંસી-બોરસી ખાતે આયોજિત ‘લખપતિ દીદી સંમેલન’માં મુખ્યમંત્રી શ્રી ભૂપેન્દ્રભાઈ પટેલ, કેન્દ્રીય મંત્રી શ્રી સી.આર.પાટિલ, રાજ્યના મંત્રીશ્રીઓ સહિતના વરિષ્ઠ આગેવાનો અને મહાનુભાવો ઉપસ્થિત રહ્યા હતા.

નારીશક્તિના સમર્પણ અને સફળતાને સન્માનિત કરતાં આ અવસરે માનનીય વડાપ્રધાનશ્રીના વરદ્હસ્તે 25 હજારથી વધુ સ્વસહાય જૂથોની 2.5 લાખથી વધુ બહેનોને ₹450 કરોડથી વધુની સહાયનું વિતરણ કરવામાં આવ્યું હતું તેમજ અંત્યોદય પરિવારોની સ્વસહાય જૂથોની મહિલાઓને નાણાકીય સહાય માટેની ‘જી-સફલ’ અને ગ્રામીણ આજીવિકા માટે કાર્યરત સ્ટાર્ટઅપ્સને નાણાકીય સહાય માટે ‘જી-મૈત્રી’ યોજનાનો શુભારંભ કરવામાં આવ્યો હતો. 
#PMinGujarat