રિપોર્ટર / સતીશ વસાવા ઝગડીયા
બે દિવસ અગાઉ દધેડા ગામે મંદિરના ઓટલા પર સુઇ રહેલ યુવકના ખિસ્સામાંથી મોબાઇલની ઉઠાંતરી થઇ હતી
ભરૂચ જિલ્લાના ઝઘડિયા તાલુકાના દધેડા ગામના એક યુવકનો રૂપિયા ૧૬૫૦૦ ની કિંમતનો મોબાઇલ બે દિવસ અગાઉ ચોરાયો હતો. આ સંદર્ભે ઝઘડિયા જીઆઇડીસી પોલીસ મથકમાં મોબાઇલ ચોરીની ફરિયાદ નંધાવવામાં આવી હતી. ઉચ્ચ અધિકારીઓ તરફથી જિલ્લામાં વિવિધ ગુનાઓનો ભેદ ઉકેલવા જિલ્લાના પોલીસ વિભાગને સુચના આપવામાં આવેલ,તેના અનુસંધાને ઝઘડિયા જીઆઇડીસી પીએસઆઇ પી.કે.રાઠોડ દ્વારા દધેડા ગામેથી ચોરાયેલ મોબાઇલ શોધી કાઢવા પોલીસ સ્ટાફને સુચના આપવામાં આવી હતી,દરમિયાન પોલીસ તપાસ દરમિયાન સદર મોબાઇલ ચોરી જનાર ઇસમની જાણ થતાં પોલીસે આ મોબાઇલ ચોરીના ગુના હેઠળ જસ્વિનભાઇ ચુનીલાલભાઇ વસાવા રહે. ગામ મોરતલાવ, તા.ઝઘડિયા જિ.ભરૂચનાને મોબાઇલના મુદ્દામાલ સાથે ઝડપી લઇને આગળની કાર્યવાહી હાથ ધરી હતી. ઝઘડિયા જીઆઇડીસી પોલીસે તપાસ દરમિયાન દધેડા ગામે થયેલ મોબાઇલ ચોરીનો ભેદ ગણતરીના કલાકોમાં ઉકેલી નાંખ્યો હતો.
