રાજપીપળા મોહસીને આઝમ મિશન દ્વારા આઝાદી પર્વ નિમિત્તેવૃક્ષા રોપણ કરાયું

[ હજરત બાલાપીર દરગાહ ખાતે ટાઉન પી.આઈ આર.જી ચૌધરી હસ્તે, અને સામાજિક અગ્રણીઓ ની ઉપસ્થિતિ મા વૃક્ષારોપણ કરાયું ]

ઈકરામ મલેક:રાજપીપળા

સમગ્ર દેશમાં આઝાદીના અમૃત મહોત્સવ અંતર્ગત સ્વતંત્રતા પર્વ ની દબદબા ભેર ઉજવણી કરવામાં આવી હતી ત્યારે રાજપીપળાના મોહસીન એ આઝમ મિશન દ્વારા રાજપીપળા ની હજરત બાલાપીર દરગાહના કમ્પાઉન્ડ ખાતે વૃક્ષારોપણ નો કાર્યક્રમ કરી ૭૭ માં સ્વાતંત્રતા પર્વની હર્ષોલ્લાસથી ઉજવણી કરવામાં આવી હતી.

મોહસીન એ આઝમ મિશન ના વડા સૈયદ હસન અશકરી મિયાંના આદેશ મુજબ દર વર્ષની જેમ આ વર્ષે પણ રાજપીપળા બ્રાન્ચ દ્વારા વૃક્ષારોપણ નો કાર્યક્રમ કરી સ્વતંત્રતા પર્વની ઉજવણી કરાઇ છે આ કાર્યક્રમ ખાસ રાજપીપળા ટાઉન પીઆઈ આર.જી. ચૌધરીની ઉપસ્થિતિમાં ઉજવાયો હતો મોહસીન એ આઝમ મિશન દ્વારા સતત સમાજસેવાના કાર્યો કરવામાં આવી રહ્યા છે ઉપરાંત કોરોનાની કપરી પરિસ્થિતિમાં અનાજની કીટનું વિતરણ વિધવાઓ ને સહાય, ગરીબ બાળકીઓ ના લગ્ન ઉપરાંત ગરીબોની મદદ કરી મોસીન એ આઝમ મિશન દ્વારા માનવતાનું ઉત્તમ ઉદાહરણ પૂરું પાડ્યું હતું મોહસીન એ આઝમ મિશન દ્વારા રાજપીપળા સહિત આસપાસ ના ગ્રામ્ય વિસ્તારો માં પણ વૃક્ષારોપણ ના કાર્યક્રમો કરવામાં આવે છે

આજના કાર્યક્રમ માં મોહસીન એ આઝમ મિશન રાજપીપળાના સદસ્યો શાહનવાજખાન પઠાણ, નિઝામ રાઠોડ સહિત સામાજિક અગ્રણી મુસ્તકભાઈ ધારોલી વાલા, હાજી અનવરભાઈ, પટેલ વિકેશભાઈ, મન્સૂરી તન્વીર, તેમજ વિશેષ ઉત્સાહી બાળકો અને સ્થાનિકો ઉપસ્થિત રહ્યા હતા.