જૂનાગઢ માં મહારાષ્ટ્ર મુંબઇ શહેરમાંથી પરત ફરતા સીનીયર સીટીઝન રોકડ રૂપીયા અને નવા કપડા સહીતના કુલ રૂ. ૧૫,૦૦૦/- ની કિંમતના સામાન ભૂલી ગયેલ થેલો જૂનાગઢ પોલીસે શોધી કાઢી અરજદાર મૂળ માલિકને પરત અપાવ્યો

💫 *જૂનાગઢ_વિશ્વાસ પ્રોજેક્ટ અંતર્ગત ઇન્સ્ટોલ કરેલ સીસીટીવી કેમેરા દ્રારા મહારાષ્ટ્ર રાજ્યના મુંબઇ શહેરમાંથી પરત ફરતા રોકડ રૂપીયા તથા નવા કપડા સહીતના સામાનનો કુલ રૂ. ૧૫,૦૦૦/- ની કિંમતના સામાનનો સીનીયર સીટીઝનનો ભૂલી ગયેલ થેલો નેત્રમ શાખા જૂનાગઢ દ્રારા શોધી કાઢેલ._*

💫 _અરજદાર જનકરાય મનસુખલાલ ઉપાધ્યાય મહારાષ્ટ્ર રાજ્યના મુંબઇ શહેરમાંથી જૂનાગઢ આવતા હોય અને તેમની સાથે ઘણો સામાન પણ હતો. જુનાગઢ રેલ્વે સ્ટેશને સવારે ૫.૩૦ વાગ્યે ટ્રેનમાંથી ઉતરી અને તેમના ઘરે ઝાંઝરડા રોડ ખાતે જવા માટે ઓટો રીક્ષામાં બેઠેલ, ઓટો રીક્ષામાંથી ઉતર્યા બાદ તેમને માલુમ થયેલ કે તેમની સાથેનો એક થેલો કે જેમાં ૫,૦૦૦/- રૂ. રોકડા તથા રૂ. ૧૦,૦૦૦/- ની કીંમતના નવા ખરીદ કરેલ કપડા હતા, જે થેલો ભવિષ્યમાં મળવો મુશ્કેલ હોય, તે અને તેમના ધર્મ પત્ની સીનીયર સીટીઝન હોય જેથી કોની પાસે મદદ માંગવી? એવુ વીચારી વ્યથિત થઈ ગયેલ હતા. જનકરાય દ્વારા આ બાબતની જાણ બી ડીવીઝન પો.સ્ટે.ના પી.આઇ. એન.એ.શાહને કરતા પી.આઇ. એન.એ.શાહ દ્રારા નેત્રમ શાખા (કમાન્ડ & કંટ્રોલ સેન્ટર)ના પી.એસ.આઇ. પી.એચ.મશરૂને આ બાબતની જાણ કરતા નેત્રમ શાખા અને બી ડિવિઝન પોલીસ દ્રારા કાર્યવાહી હાથ ધરવામાં આવેલ._

💫 _જૂનાગઢ રેન્જના *ડીઆઈજી શ્રી નિલેષ જાજડીયા* તથા જૂનાગઢ *જીલ્લા પોલીસ વડા શ્રી રવિ તેજા વાશમ સેટ્ટી* દ્વારા જૂનાગઢ જીલ્લાના તમામ થાણા અમલદારોને પ્રજા સાથે સોહાર્દપૂર્ણ વર્તન કરી, મદદરૂપ થવા તેમજ પોલીસ સ્ટેશન ખાતે મદદ માટે આવતા લોકોને શક્ય તે મદદ કરી, પોલીસ પ્રજાનો મિત્ર છે, એ સૂત્રને સાર્થક કરવા તમામ પ્રયત્નો કરવા ખાસ સૂચના કરવામાં આવેલ છે._

💫 _જૂનાગઢ ડિવિઝનના ડીવાયએસપી એચ.એસ રત્નુના માર્ગદર્શન હેઠળ બી ડીવીઝન પો.સ્ટે.ના પી.આઇ. એન.એ.શાહ, પો.કો. સંજયભાઇ માલમ, નેત્રમ શાખા (કમાન્ડ & કંટ્રોલ સેન્ટર) ના પી.એસ.આઇ પી.એચ.મશરૂ, પો.કો. દેવેનભાઇ સીંધવ, વીમલભાઇ ભાયાણી, હીનાબેન વેગડા, કીંજલબેન કાનગડ, એન્જીનીયર પાયલબેન સોલંકી સહિતની ટીમ દ્વારા જહેમત ઉઠાવી જનકરાય રેલ્વે સ્ટેશનથી ઓટો રીક્ષામાં બેઠેલ તે સમગ્ર રૂટના *વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV ફૂટેજ ચેક કરતા* જનકરાય ઓટો રીક્ષામાં બેઠેલ CCTV CAMERAમાં નજરે પડેલ. CCTV ફૂટેજ દ્રારા તે ઓટો રીક્ષાનો નંબર GJ 07 YY 7325 શોધી કાઢવામાં આવેલ._

💫 _તે ઓટો રીક્ષાના નંબરની માહિતી આધારે રીક્ષા ચાલકનું જયદીપ વીજયભાઇ ભટ્ટીનુ નામ સરનામું શોધી કાઢવામાં આવેલ હતુ. ઓટો રીક્ષા ચાલકને બી ડિવિઝન પોલીસ દ્રારા શોધી અને પૂછ પરછ કરતા તેમને પોતાની રીક્ષામાં કોઇ પેસેન્જર થેલો ભુલી ગયાનુ ધ્યાને આવેલ નથી તેવુ જણાવેલ, ઓટો રીક્ષા ચાલકને પોલીસની ભાષામાં પૂછપરછ કરતા ઓટો રીક્ષા ચાલક દ્રારા કોઇનો થેલો પોતાની ઓટો રીક્ષામાં ભુલી ગયાની સત્ય હકીકત સ્વીકારેલ. આજના જમાનામાં પણ લોકો કોઇને મળેલ વસ્તુ પરત કરતા હોય અને રીક્ષા ચાલક દ્રારા અપ્રમાણીકતા દાખવેલ હતી. *જૂનાગઢ પોલીસ દ્વારા ઓટો રીક્ષા ચાલકને આ બાબતે ઠપકો આપેલ હતો. ઓટો રીક્ષા ચાલક દ્રારા પોતાના ઘરેથી ઉક્ત થેલો કે જેમાં રોકડ રૂ. ૫,૦૦૦/- તથા રૂ. ૧૦,૦૦૦/- ની કીંમતના નવા ખરીદ કરેલ કપડા એમ કુલ રૂ. ૧૫,૦૦૦/- ની કીંમતનો થેલો પોલીસ દ્રારા સીનીયર સીટીઝન જનકરાયને પરત કરાવેલ હતો. નેત્રમ શાખા તથા જૂનાગઢ બી ડીવીઝન પોલીસ દ્રારા પોતાના કીંમતી સામાનનો થેલો સહી સલામત પરત અપાવવા માટે કરેલ તાત્કાલિક સવેંદનપૂણૅ કાર્યવાહીથી પ્રભાવિત થઈને સીનીયર સીટીઝન જનકરાય તેમજ તેમના ધર્મ પત્ની દ્રારા નેત્રમ શાખા તથા જૂનાગઢ બી ડીવીઝન પોલીસ સ્ટાફને આશીર્વાદ પાઠવ્યા હતા અને વૃધ્ધ દંપતી દ્રારા પોલીસનો આભાર પણ વ્યક્ત કર્યો હતો….*_

💫 _*જૂનાગઢ જીલ્લા પોલીસ વડા શ્રી રવિ તેજા વાશમ સેટ્ટી* દ્વારા પણ પ્રજા સાથે સંવેદના પૂર્ણ કાર્યવાહી કરવા બદલ જીલ્લા નેત્રમ શાખા (કમાન્ડ & કંટ્રોલ સેન્ટર) અને બી ડિવિઝન પોલીસ ટીમને અભિનંદન આપેલ હતા. આમ, જૂનાગઢ પોલીસ દ્વારા વૃધ્ધ દંપતીનો કુલ રૂ. ૧૫,૦૦૦/-ની કીંમતનો થેલો ગણતરીની કલાકોમાં પરત અપાવી, સુરક્ષા સાથે સેવાનું ઉત્તરદાયિત્વ નિભાવી “પોલીસ પ્રજાનો મિત્ર છે” એ સૂત્રને સાર્થક કરવામાં આવેલ છે…._

મહેશ કથીરીયા
બ્યુરો ચીફ જૂનાગઢ
દૂરદર્શી ન્યુઝ